salom

салом

встречается в 8 словарях JSON В диалектах Все результаты поиска

Толковый словарь узбекского языка

salom

ot 1. Kishilarning oʻzaro uchrashgan paytlarida urf-odatga koʻra bir-biriga aytadigan soʻzi.

Alangali salom. Qizgʻin salom. Salom ham farz, alik ham farz. Bir kun tuz ichgan joyga qirq kun salom ber. — Maqol

— Salom, professor!Xush kelibsiz, — dedi Hamza va Stepanovga qarab qulochini ochdi. — K. Yashin, Hamza

Gʻulomjon egilib salom berdi, sogʻ-salomatlik soʻradi. — M. Ismoiliy, Fargʻona tong otguncha

2. tar. Amir, xon bilan ertalabki uchrashuv va undagi salom-alik marosimi.

Ertalab xonning haramdan chiqish vaqti yaqinlashgan, salom va istiqbol uchun xoslardan sakkiz-toʻqqiz kishi yigʻilgan edilar. — A. Qodiriy, Mehrobdan chayon

3. etn. Kelinchakni toʻydan keyingi kun erta bilan olib chiqib, kuyovning ota-onalariga, qarindosh-urugʻlariga taʼzim qildirish marosimi va umuman kelinchaklar taʼzimi; kelinsalom.

Ertalab, odat boʻyicha, Nuri toʻr roʻmol yopinib, beshikdagi boladan to keksalarga qadar — hammaga salom qilar ekan. — Oybek, Tanlangan asarlar

[Rohila:] Jon qizim, eringni izzat qil! Qaynanangni izzat qil! Ertalab salomga chiqayotibsanmi? — A. Qahhor, Ogʻriq tishlar

4. Sahnada, oʻyin-tomosha maydonlarida aktyorlarning tomoshabinlarga taʼzimi.

Zulfizar raqsini tugatib, mahliyo boʻlib oʻtirgan tomoshabinga salom qilishi bilan, birdan hamma yoqni gulduratib qarsaklar koʻtarildi. — K. Yashin, Hamza

5. Salom (erkaklar ismi).

Duoyi salom
Salom aytmoq Havodan aylanib uchgan turnalar, Borib bizning elga salom aytinglar, Ey aziz turnalar, mening tilimdan Doʻst-u yoronlarga salom aytinglar. — Tohir va Zuhra
Salom alaykum
Salom yoʻllamoq Biror shaxs yoki noma orqali salom aytib yubormoq. — Hammalari sogʻ-omon, — dedi Nizomiddinxoʻja. — Sizga matbaa, gazetalardagi muharrir, musahhih doʻstlaringiz salom yoʻllashdi. — K. Yashin, Hamza
Salom yoʻq, alik yoʻq Toʻsatdan, hech kutilmaganda, dabdurustdan. U kirgach, salom yoʻq, alik yoʻq, tomdan tarasha tushganday: — Nimalar deb valdirayapsan, — deb oʻshqirdi. — Mushtum
Salomini yeb qoʻymoq Koʻpincha, salom bermagan bolalarga aytiladigan hazil ibora. Erta turib kech keldi, Salomini yeb keldi. — Boychechak
Soyasiga salom bermoq
Salom ogʻasi Supachalar ustida udaychi, shigʻovul, salom ogʻasi, tunqotar va darbon kabi tashrifot xodimlari oʻtirardilar. — S. Ayniy, Jallodlar

Узбекско-турецкий толковый словарь

SALOM

Yuzma-yuz uchrashganda yoki gʻoyibona tabriklash soʻzi va shu soʻz bilan yoki imo-ishora orqali ifodalangan tabrikning oʻzi.SELAM

Русско-узбекский и узбекско-русский словарь

salom

1. приветствие, привет, поклон

2. здравствуй(те)

salom ham – farz, alik ham – farz (букв. привет – это долг, и ответ на привет – долг) поздороваться друг с другом, приветствовать друг друга – долг и обязанность каждого человека