Рондель

rondel. Qadimgi fransuz sheʼriy shakllaridan biri. Unda sheʼr oʻn uch misradan iborat boʻladi va kesma qofiyaga asoslanadi. Rondelning band tuzilishi ham oʻziga xosdir: birinchi va ikkinchi bandlar toʻrt misradan, uchinchi band besh misradan iborat boʻladi. Bundan tashqari, rondelda ayrim misralar oʻz holicha yoki bir oz oʻzgarishlar bilan takrorlanib keladi. Oʻzbek sheʼriyatida rondelning goʻzal namunasini Rauf Parfi yaratgan:

Xayrlashdik... Oʻynar kapalak... Biz asir boʻlmadik lahzaga. Xayrlashdik besoʻz, beyurak, Bu bogʻ, bu gul keldi larzaga. Shabnamning sof qadahi sindi... Kulimizni sovurdi falak — Sen mendan ayrilding, men sendan. Oʻyin tushar rangin kapalak. — Рауф Парфи