қувмоқ

фл. 1. Етиб ёки тутиб олиш учун орқасидан югурмоқ, қувламоқ.

Кийик қувган қуённи пайқамас. — Мақол

Илон қувса, ёʻлга қоч, туя қувса, ўрга қоч! — Мақол

Қувган душманимни қўлга туширдим. — Маликайи айёр

Олмазорга етганида, кимдир ортидан қувиб етди. М. М. — Дўст, Лолазор

2. Бирор жой-макондан мажбурлаб кетказмоқ (жўнатмоқ); ҳайдамоқ.

Момо қўлига калтак олиб, болаларни қувибди. — Эртаклар

[Жуман:] Бечора болаларни иссиқ инларидан қувиб чиқарганларинг ҳам етар, тахтада нима гуноҳ? Ёқма! — М. Исмоилий, Фарғона тонг отгунча

Шиддатли штурм натижасида душман мудофаа марраларидан қувиб чиқарилди. — Н. Сафаров, Жангчи шоир

3. кўчма Мансаб, лавозим ва шу кабилардан четлатмоқ, бўшатмоқ, ҳайдамоқ.

Бироқ сал фурсат ўтмай, ҳоким тўра тилмочни ишдан қувди. — С. Аҳмад, Ҳукм

4. кўчма Ёʻқ қилмоқ; ҳайдамоқ.

Ташвиш қиз боланинг ҳуснини оларкан, шўхлигини ҳам, овозидаги латофатини ҳам қуваркан. — С. Аҳмад, Уфқ

Кўзга ажиб равшанлик бахш этувчи яшил кўкатлар таровати кечадан бери ғамнок дилини эркалаб, кўксидаги ранж-у аламни қувгандек бўларди. — С. Сиёев, Аваз

5. кўчма Ҳаёти, иш-фаолиятида бирор ёʻл-ёʻриқ, усул ва шу кабиларга қаттиқ амал қилмоқ; бирор иш-амални қаттиқ тутмоқ, унга берилмоқ.

Халилжон ҳам акаларининг ёʻлини қувди: мактабда ўқиб туриб авиаклубга қатнади. — С. Акбаров, Отанинг хаёллари

— У фақат охиратни деб яшаган, умр бўйи савоб қувган, — деди чол. — А. Муқимов, Қопқон

Жонингда қасдинг борми, мунча ароқни қувмасанг. — Муштум

6. кўчма с. т. Юриб-елмоқ (пиёда ёки улов билан).

Телпагини елвиратиб, Ўзбакларни далвиратиб, Урганч элга қувиб етдик. — Юсуф ва Аҳмад

Кўп ерларни мен ахтардим от қувиб, Ҳеч кўрмадим Асад Шодмон қорасин. — Маликайи айёр

7. Из қувмоқ Изидан таъқиб қилмоқ.

Қўр-бошилар ичидан қочиб, менинг орқамдан из қувиб келгансан — Ғайратий, Унутилмас кунлар

Болта муаллим бошлиқ етти-саккиз чоғли йигит изларидан қувиб келар — Н. Норқобилов, Тўқнашув

Етиб ёки тутиб олиш учун орқасидан югурмоқ.KOVMAK

гнаться, преследовать, гнать, прогонять

илон қувса, ёʻлга қоч, туя қувса, ўрга қоч погов. если змея погонится за тобой — беги к дороге, если верблюд погонится — беги к обрыву

в pursue, hunt (after)

quwıw, quwdalaw, izinen quwalaw, aydaw

treiben vt, jagen vt, vertreiben vt, fortjagen vt