қурмоқ
qurmoqқурмоқ
фл. 1. Қурилма, қурилиш иншо-оти бунёд этмоқ, ясамоқ.
Уй қурмоқ. Қаср қурмоқ. Шийпон қурмоқ. Тўғон қурмоқ. Канал қурмоқ. Сарой қуриб, шаҳар бузма. — Мақол
Ёру дўстлар билан ҳашарлашиб, бинойидай маскан қуриб олдим. — М. М. Дўст, Лолазор
2. Ўрнатмоқ.
Тандир қурмоқ. Уйга эшик қурмоқ.
Сатторқул аканг уйини янги турмуш қилди; оқлатди, дарчанинг ўрнига дераза қурди. — А. Қаҳҳор, Қўшчинор чироқлари
Бир ердан ўчоқ қилиб, ошпалов қилмоқчи бўлиб, қозонни қурди. — Нурали
3. Ташкил этмоқ, барпо қилмоқ, тузмоқ.
Янги давлат қурмоқ. Янги жамият қурмоқ.
4. Ташкиллаштирмоқ.
Ширин суҳбат қуриб қаймоқлашайлик — Ҳабибий
Ҳар қалай, Жўравой билан гурунг қуриб, тонг оттирай деди-ку. — С. Аҳмад, Юлдуз
Зериксангиз, шоҳона зиёфатлар қуринг, базмлар ясанг, ихтиёр сизда. — Ойбек, Улуғ ёʻл
Бадиуззамон бекларини, ишбилармон йигитларини йиғиб, жангга ҳозирланиш тўғрисида кенгаш қурди. — Ойбек, Навоий
- Ин (ёки уя) қурмоқ 1. Ўзига яшаш жойи, макон ясамоқ, тайёрламоқ (ёввойи ҳайвон, парранда, ҳашаротлар ҳақида); Унинг ҳаромнамаклари ҳали кўп маҳкамаларда ин қурганлар. — Ойбек, Навоий
- Турмуш (ёки оила) қурмоқ Уйланиб, турмушга чиқиб, ўзаро оила тузмоқ. Севишиб, ўлдим-толдим деб турмуш қурганларни кўряпмиз, кунора уйида жанжал — Т. Ашуров, Оқ отОйим билан дадам синфдош бўлганлар. Севишиб оила қурганларини эслашади. — Ёшлик
ҚУРМОҚ
Турли материаллардан ва бўлаклардан йиғиб бунёд қилмоқ.KURMAK
қурмоқ
1. строить, воздвигать, сооружать
2. устраивать, устанавливать
қурмоқ
в build, construct, mount
ҚУРМОҚ
1. qurıw, jasaw, salıw
2. ornatiw
3. shólkemlestiriw
4. dúziw
қурмоқ
bauen vt, erbauen vt, errichten vt
қурмоқ
Бсиз ҚК + ёнига Бсиз ТК русчапристроить ВП к ДПинглизчаto add smth to smth.немисчаanbauen A an A
Биз уйимиз ёнига (ниманинг ёнига?) айвон (нима?) қурдик.
Мы пристроили веранду (что?) к дому (к чему?).
We have added a verandah (what?) to the house (what ... to?.
Wir haben eine Veranda (was?) an das Haus (woran?) angebaut.