qoʻshmoq

fl. 1. mat. Qoʻshuv amalini bajarmoq, jam qilmoq.

Beshni beshga qoʻshmoq.

2. Biror narsaga boshqa narsani aralashtirmoq yoki solmoq.

Sutga suv qoʻshmoq. Choyga shakar qoʻshmoq. Loyga somon qoʻshmoq.

Gulnor oʻqchib-oʻqchib soʻzladi: — Zahar Salim qoʻshgan. — Oybek, Tanlangan asarlar

Har bir aqli bor odam qovunga piyoz qoʻshib yeyish notoʻgʻri ekanini bilsa kerak. — A. Qahhor, Munofiq

Daraxtlarning gullaridan sochilayotgan hidni havo bilan qoʻshib, har qancha shimirsang ham toʻymaysan, kishi. — N. Safarov, Jangchi shoir

3. Boʻlak-boʻlak, alohida, mustaqil narsalardan bir butunlik hosil qilmoq, birlashtirmoq.

Ikki institutni qoʻshmoq. Mol-u mulkni qoʻshmoq. Soʻzlarni bir-biriga qoʻshib, gap tuzmoq.

Beshinchi va yettinchi sinflarni qoʻshib oʻqityapti dadam. — S. Siyoyev, Yorugʻlik

4. Birini boshqasining yoniga, ustiga qoʻymoq, tirkamoq, tashlamoq; bir qilmoq, bir qilib qoʻymoq.

Xirmonga etak-etak paxta qoʻshmoq.

Shinel va gimnastyorkalarini yechdi-da, tugun qilib, boshqalarnikiga qoʻshdi. — Oybek, Quyosh qoraymas

5. Qoʻshimcha tarzda bermoq, kiritmoq.

[Mirzakarimboy] Bir nafas oʻylab, yana uch soʻmlik qogʻoz va bir soʻlkavoy qoʻshib, Yoʻlchiga tashladi. — Oybek, Tanlangan asarlar

6. Gap, fikr va shu kabilar qoʻshimcha qilmoq; gap qistirmoq.

U Xadichaxonning soʻziga nimadir qoʻshmoqchi boʻldi-da, hozir aytib qolmasa, xuddi kechikib qoladigandek shoshdi. — N. Safarov, Xadicha Ahrorova

Oʻsha kuv-nok vaziyatini oʻzgartirmay, qoʻshib qoʻydi: — Oyogʻingiz ogʻrimayaptimi? — S. Karomatov, Oltin qum

7. Boriga yana nimadir kiritmoq, biror narsani yana nima bilandir toʻldirmoq. ||Umrga umr qoʻshmoq. Husniga husn qoʻshmoq.

Hazin misralar uning dardiga dard qoʻshar edi. — X. Sultonov, Onamning yurti

bu sayil navbahorga fayz qoʻshardi. — Mirmuhsin, Meʼmor

8. Qatoriga kiritmoq, birga qilmoq.

[Oʻzbek oyim:] Otabekning yoniga Hasanalini qoʻshib, Margʻilonga yuboraman. — A. Qodiriy, Oʻtgan kunlar

Bu yigitni askariy mashq oʻtkazayotgan navkarlarga qoʻshing! — P. Qodirov, Yulduzli tunlar

Ishonmasak, seni toʻdamizga qoʻshmasdik. — S. Siyoyev, Yorugʻlik

9. Birga qilmoq; biriktirmoq.

Biri Robiyani oyoqlaridan ushlab olgan, ikkinchisi uning koʻllarini beliga qoʻshib, mahkam qisib turgan — P. Qodirov, Yulduzli tunlar

10. etn. Sarpo qilmoq, sarpo, sep tariqasida bermoq.

Bitta xitoy jujun mursakni kam koʻrib, yoniga oʻzining qimmatbaho zarrin mursagini qoʻshgan edi. — A. Qodiriy, Oʻtgan kunlar

11. Arava, izvosh, omoch va shu kabilarni tortish uchun tegishli abzal yordamida biriktirmoq (ot-ulov haqida).

Hozir narigi toʻriq qashqani qoʻshaman juvozga. — N. Fozilov, Oqim

[Yormat] Otni qoʻshgandan keyin aravaga qalin namat soldi. — Oybek, Tanlangan asarlar

Ofitser hozir: Qoʻshga qoʻshsang ham, mayli, ishqilib oʻldirma, deb ketayotibdi. — A. Qahhor, Oltin yulduz

12. Ot-ulov tirkab tayyor qilmoq (arava, izvosh, omoch va shu kabilar haqida).

Fazliddin achchiq choyni ichib qoniqqach, izvoshni qoʻshdi. — Oybek, Tanlangan asarlar

U [Sidiqjon] bir kuni, tushki dam olish vaqtida, Ziyodaxonning soʻroviga koʻra, eshak-aravani qoʻshib, daryodan suv keltirgani bordi. — A. Qahhor, Qoʻshchinor chiroqlari

13. Erkak kishi bilan ayolni uylamoq, bir yostiqqa bosh qoʻydirmoq, qovushtirmoq.

Qirq kun toʻy qilib, qirq birinchi kechasi yigitlarni qizlarga qoʻshdilar. — Ertaklar

[Hasanali:] Bekni uylantirdim, sevganiga qoʻshib quvontirdim! — A. Qodiriy, Oʻtgan kunlar

fl. Qoʻshilib turgan, qoʻshilgan; qoʻshaloq narsa, qoʻshimcha.

Qoʻrqqanga qoʻsh koʻrinar, qoʻshmogʻi bilan besh koʻrinar. — Maqol

Qoʻshuv amalini bajarmoq, jam qilmoq.BİRLEŞTİRMEK, TOPLAMAK, KATMAK

1. соединять, присоединять, включать, вносить

hissa qoʻshmoq вносить вклад

2. примешивать, добавлять

ovulga aytsam oshadi, qoʻshnimga aytsam — qoʻshadi скажу у себя в ауле — преувеличат, скажу своему соседу — прибавит; соотв. скажешь курице, а она — всей улице; скажешь с ноготок, а перескажут с локоток

3. сливать, объединять

4. увеличивать, наращивать, накоплять

5. этн. преподнести (что-л. в подарок по случаю свадьбы), дать (что-л. в качестве приданого)

6. запрягать

otni aravaga qoʻshmoq запрягать лошадь в телегу

otasi arava qoʻshgancha, oʻgʻli Qoʻqon boribdi пока отец арбу запрягал, сын до Коканда добежал (Дым)

v 1. joint

2. unite

3. add

1. qosıw

2. aralastırıw

3. birlesitiriw, biriktiriw

4. tirkew

5. kirgiziw

6. toltırıw

7. qospaq

1. hinzufügen vt, beifügen, beilegen

2. tex. verbinden

3. узбекскийaralashtirmoqнемецкийbeimischen, beimengen, zusetzen, hinzutun, zulegen

choyga qand qoʻshmoq Zucker in den Tee tun

4. mat. addieren, summieren

• hissa qoʻshmoq Beitrag leisten