qorongʻilashmoq
қоронғилашмоқqorongʻilashmoq
fl. 1. Qorongʻilik choʻkmoq, tushmoq; qorongʻi holat yuzaga kelmoq.
Oqshom tushib, tashqari qorongʻilashib qolgan, gupullatib yirik-yirik qor yogʻardi. — Gazetadan
Uch quloch ilgarilash bilan ungur ichi ancha qorongʻilashdi. — M. Ismoiliy, Fargʻona tong otguncha
Koʻkda sayohat qilib yurgan oy bulutlar ortida qoldi. Butun oʻrmon va keng dalalar qorongʻilashdi. — I. Rahim, Chin muhabbat
2. koʻchma Noaniqlashmoq, xiralashmoq; chigallashmoq (maʼno, tushuncha va shu kabilar haqida).
Masala oydinlashmadi, balki yanada qorongʻilashdi.
Bahorning fikri qorongʻilashdi-yu, koʻz oldini tuman chulgʻadi. — Sh. Rashidov, Qudratli toʻlqin
- Koʻz oldi qorongʻilashdi Chol oxiri holdan toyib, koʻz oldi qorongʻilashdi-da, suv aralash loyga yiqildi. — J. Sharipov, Xorazm
- Koʻziga dunyo (yoki olam, jahon) qorongʻilashdi Qattiq xafa boʻldi, koʻziga hech narsa koʻrinmay qoldi. Ziyodilla qamoqqa olingandan keyin, olam koʻziga butkul qorongʻilashdi. — H. Gʻulom, Mashʼal
qorongʻilashmoq
темнеть, становиться тёмным
qorongʻilashmoq
v darken, obscure
QORONGʻILASHMOQ
qarańǵılasıw, qarańǵı túsiw
qorongʻilashmoq
dunkeln vi, dunkel werden