qizimoq

қизимоқ

6 ta lugʻatda: Oʻzbekchadan JSON Shevalarda Barcha qidiruv natijalari

Izohli lugʻat

qizimoq

fl. 1. Harorati koʻtarilmoq, baland boʻlmoq; isimoq (asosan havo harorati haqida).

Havo nihoyatda qizigan, otlar halloslab terlar. — Mirmuhsin, Meʼmor

Ertalabdanoq kun qiziy boshlaydi-da, choshgohga borganda quyoshdan olov yomgʻiri yogʻiladi. — H. Gʻulom, Binafsha atri

2. Biror narsa (olov va boshqalar) taʼsirida tana harorati oshmoq, koʻtarilmoq (jism, tana haqida).

Badani qizidi. Tandir qizidi. Temir qizidi.

Otabekning manglayida turgan qoʻli qizib ketib, ikkinchi qoʻlini almashtirishga majbur boʻldi. — A. Qodiriy, Oʻtgan kunlar

Hamma yoq qum, qizib, yonib yotgan qum — M. Ismoiliy, Fargʻona tong otguncha

3. ayn. Qizishmoq.

[Sodiq:] Qizib ketgan ekanman, qarang, mingboshini ham choʻziltirmoqchi edim-u, biroq orqadan kelib, qoʻlimni bogʻlaganlarini bilib qoldim. — N. Safarov, Uygʻonish

4. koʻchma Qizgʻin tus olmoq.

Suhbat qizidi. Munozara qizidi.

U sahna chekkasiga surib qoʻyilgan parda oldiga borganida, konsert qizib ketgan edi. — Oʻ. Hoshimov, Qalbingga quloq sol

Bu kun chorshanba boʻlganidan bozor ayniqsa qizigan. — Oybek, Ulugʻ yoʻl

Ish qizib ketgan paytda qishloq tomondan koʻchani changitib kelayotgan mashina koʻrindi. — R. Fayziy, Choʻlga bahor keldi

Hozir ovning avji qizigan payti, koʻlda oʻrdak, qashqaldoq koʻp. — J. Sharipov, Xorazm

Boshi qizidi 1. Boshi qon tepgandek ogʻirlashdi. Qoratoy bir oz oʻylanib, boshi qizigan kabi, doʻppisini kursiga olib qoʻydi. — Oybek, Tanlangan asarlarQodirning salomatligiga bir necha marta qadah koʻtarildi. Qodirning boshi qizib ketdi. — A. Qahhor, Qanotsiz chittak
Ichi qizimoq Sentyabr kelishini kutib, ichi qizib ketyapti — Toshbibining, Gazetadan
Qulogʻi qizimoq Sen haqingda ham koʻp gaplar boʻldi, rosa qulogʻing qizigandir.Oʻzi yoʻqlarning ham qulogʻi qizib turarmish. — S. Karomatov, Oltin qum