qimirlamoq

қимирламоқ

6 ta lugʻatda uchraydi JSON Shevalarda Barcha qidiruv natijalari

Izohli lugʻat

qimirlamoq

fl. 1. Sekin-asta yoki gʻimir-gʻimir harakat qilmoq, u yon-bu yon borib-kelib, silkinib turmoq; tebranmoq.

Shamol boʻlmasa, daraxtning boshi qimirlamaydi. — Maqol

Qurbon ota choʻkka tushgan, ikki qoʻli tizzasida, xuddi surat oldirayotganday hech qimirlamaydi. — A. Qahhor, Toʻy

Shu vaqt taxmonga osilgan kirpoʻsh oʻz-oʻzidan qimirlaganday boʻldi. — A. Qodiriy, Oʻtgan kunlar

Umurzoq ota ana shu xayollar bilan ekan, ikki qarmoq birin-ketin qimirlab qoldi. — H. Gʻulom, Mashʼal

2. Joyidan qoʻzgʻalmoq, jilmoq, siljimoq, nari ketmoq.

Shu joydan qimirlama. Bemor oldida qimirlamay oʻtirmoq.

Gʻir etgan shamol yoʻq, ot-arava koʻtargan chang, havoda uzoq vaqt qimirlamay turib qolar edi. — Oybek, Tanlangan asarlar

3. Koʻchma Ish, harakatda boʻlmoq, chalishmoq; yurmoq.

Tezroq qimirlang, kech qolyapmiz. Qimirlagan qir oshar. — Maqol

Yigirma uchta mashinamiz boʻlsa-yu, shundan bor-yoʻgʻi toʻrttasi qimirlasa-ya! — Mushtum

4. Biror ish-mashgʻulot bilan band boʻlmoq, shu tufayli kun kechirmoq, tirikchilik qilmoq.

Rahmatlik buvam oʻlganlaridan keyin samovar oʻzimga qoldi. Yosh boʻlsam ham, choyxonada qimirlab turibman. — B. Rahmonov, Mardlar qissasi

Men ham, albatta, tek oʻtirmay, kuchim yetgancha qimirlab turibman. Qurt tutamiz. — A. Qahhor, Qoʻshchinor chiroqlari

Joni bor odam qimirlab turishi kerak — uning falsafasi shu. — H. Gʻulom, Mashʼal

Be-ye, menda poʻlat nima qiladi, taqsir. Eski taqalar, temir-tersaklar bilan zoʻrgʻa qimirlab turibmiz. — M. Ismoiliy, Fargʻona tong otguncha

Qimirlab qoldi 1. Qimirlash holati yuz berdi ( Odamlarga jon kirganday, bir-birlariga jilmayib, qimirlab qolishdi. — E. Raimov, Ajab qishloqNarx-navo qimirlab qoldi.Muz koʻchdi, oʻrtoq Safarov, oʻrta dehqon qimirlab qoldi. — A. Qahhor, Qoʻshchinor chiroqlari
Qimirlagan jon Tan-joni sogʻ, joni bor har bir odam, inson zoti. Qimirlagan jon yoʻq emish. Behishtday bir olam emish. — T. Murod, Ot kishnagan oqshomKechki kuz bobodehqonni juda tashvishlantirib qoʻydi, qimirlagan jonda yaxshi tashvish. — GazetadanAyniqsa, yigʻim-terim paytlari qimirlagan jon borki, dalada koʻrmasa, koʻngli yupanch topmas edi. — J. Abdullaxonov, Xonadon