қайрилмоқ

фл. 1. Қайирмоқ феълининг ўзлик ва мажҳул нисбати.

Китобнинг варағи қайрилиб қолибди. Мих қайрилиб кетяпти.

Эҳе, машина лиқ тўла темир асбоб. Бир хили ўроққа ўхшаб тиғи қайрилган. — Ҳ. Назир, Чўл ҳавоси

[Саодат] Ҳосили кўплигидан шохи ерга қайрилиб тушган олма дарахтларига узоқ тикилди, нималарнидир ўйлади. — Н. Сафаров, Саодатнинг қиссаси

Булбули гўё эдим, синди қанотим қайрилиб, Не гуноҳим бор эди — қолдим онамдан айрилиб. — С. Абдулла, Тоҳир ва Зуҳра

2. Бурилмоқ, ўгирилмоқ.

Эркак тўнига яхшироқ ўранди-да, орқасига қайрилиб, уй томон ёʻл олди. — Н. Аминов, Суварак

Қутидор ҳовлисига қайрилар экан, бек билан хайрлашди. — А. Қодирий, Ўтган кунлар

Тозилар қайрилди келган ёʻлига, Офтобой эргашди тозиларига. — Рустамхон

Ғуломжон тўхтаб, орқасига қайрилди. Мадаминхўжа етиб келди. — М. Исмоилий, Фарғона тонг отгунча

3. Букилмоқ, букчаймоқ; мункаймоқ.

Бағри тош қайрилма қош менга насиб қилгаймикин, Ёки қаддим қошидек ҳажрида қайрилгаймикин. — С. Аҳмад, Ҳукм

4. кўчма Эътибор бериб қарамоқ, парво қилмоқ, илтифот кўрсатмоқ.

Қайрилмаганга қайишма. — Мақол

Сен қайрилсанг мендай мунглиғ ҳолига, Билмайман кетдими Оқтош элига. — Рустамхон

Ким бизга қайрилди, Очлик, қаҳат тўрт томон. — Миртемир.

[Рокия:] Вой, юртда нима кўп, қиз кўп. [Турғун:] Кўп бўлган билан биронтаси қайрилиб қарамаса. — Н. Сафаров, Ҳаёт мактаби

Бурилмоқ, ўгирилмоқ.DÖNMEK

отворачиваться, поворачиваться, выворачиваться

в be twisted (wound), bend

1. qayrılıw

2. burılıw

3. búgiliw, búkshiyiw, iymeyiw

abdrehen sich, abbiegen vi