ПРОМЫВКА СКВАЖИНЫ

қудуқ тубини майдаланган жинс зарралари — шламдан узлуксиз тозалаш, жинс майдаловчи ускуналарни совутиш, қудуқ деворини мустаҳкамлаш ва бошқа мақсадларда бажарилади. Шунингдек, Q.yu. орқали айрим горизонтларни ажратиш, жинсларнинг қаттиқлигини пасайтириш, бурғилаш ускунасини мойлаш ва ш.к. мумкин бўлади. Бурғилаш амалиётида Q.yu. уч: тўғри, тескари ва мураккаб хилларга бўлинади. Тўғри ювишда (П.6-расм) суюқлик қудуққа насос 1 ёрдамида шланг 2 бўйича салник 3 ва бурғилаш қувурлари 4 орқали ҳайдалади. Қудуқ тубини, жинс майдалаётган ускунани 5 ювиб зарраларни қудуқ танаси бўйлаб юқорига кўтаради. Ер юзасида бурғилаш эритмаси махсус тайёрланган тозалаш навлари 6 ва тиндиричларда 7 ҳаракатланади, натижада ундаги зарралар чўкади ва тозаланган суюқлик сигимдан шланг 9 орқали насосга сўрилади ва қудуққа қайта ҳайдалади. Тўғри ювишнинг қуйидаги камчиликлари қайд қилинади: юмшоқ ва беқарор жинслардан керн тўлиқ чиқмайди, унинг кўп қисми суюқлик оқими таъсирида ювилиб кетади; диаметри катта қудуқларни бурғилашда суюқлик кўп миқдорда зарур бўлади. Тескари ювишда насос ёрдамида суюқлик шланг 11 бўйича зич ёпилган қудуқ оғзи 12 орқали қувур ташқи бўшлиғига узатилади. Қудуқ тубини ва жинс майдаловчи ускунани 5 ювиб, суюқлик бурғилаш қувурлари 4 ичидан юқорига салник 5, шланг 10 орқали кўтарилади ва айланиш системасига тушади. Тескари ювишда қудуқ туби шламдан яхши тозаланади, керн сифати ошади, катта диаметрли қудуқларни бурғилашда суюқлик сарфи камаяди, суюқликнинг ютилиши ҳам оз бўлади. Тескари ювишни амалиётда қўллаш кўп меҳнат талаб қилади. Мураккаб ювишда суюқликнинг қудуқ танасида ҳаракатланиши тўғри ювиш, қудуқ тубида — тескари ювиш схемасига мос келади. Ювишнинг бундай схемаси махсус снарядлар ёрдамида амалга оширилади. Суюқликнинг тескари ҳаракатини салникли махсус ўтказгичдан ўтаётган суюқлик босими, чуқурлик сув оқимли насос ёки турбина туридаги гидродвигателли марказдан қочма кучли насос орқали юзага келтириш мумкин. Геология-разведка ишлари амалиётида мураккаб ювиш схемаси кенг қўлланилади. Қудуқни ювишда унинг ичига юбориладиган суюқлик миқдорини аниқлаш муҳим рол ўйнайди. Керагидан ортиқча миқдорда суюқлик ҳайдаш нохуш оқибатларга олиб келиши, мас., бўш жинсларни бурғилашда унинг деворларини ювиб кетиши мумкин. Қудуқ тубини шламдан буткул тозалаш, Қудуқни ювиш