порламоқ

фл. 1. Ёрқин нур сочиб турмоқ, равшан ёнмоқ.

Булуциз кўкда қуёш порлайди.

Дарахтлар орасида порлаб турган чироқлар бирин-сирин сўнди. — Ў. Ҳошимов, Қалбингга қулоқ сол

Порлаган чироқлар атрофни кундуз қилиб юборган. — Шарқ юлдузи

У ётоқхоналарнинг электр нури порлаган деразаларига анграйганича битта-битта юриб келаркан, беихтиёр узоқ шаҳарчадаги қадрдон уйини эслади. — Ёшлик

2. кўчма Нур сочмоқ, барқ урмоқ, балқимоқ.

Хадича аянинг ташвишли кўзлари қувончдан порлаб кетди. — Ҳ. Назир, Ёнар дарё

Севиб қолган! У кўзларида порлаган қувончни яшира олмас, тасаввурида бирданига фариштага айланган шу одамни хафа қилмаслик учун бошини кўтармас эди. — Ў. Ҳошимов, Қалбингга қулоқ сол

Ёшгина бир аёл кулиб турган кўзларини порлатиб: — Хадичахон, холам узр сўраяптилар, эшитинглар, ўртоқлар, — деди. — Н. Сафаров, Хадича Аҳророва

1. Ёрқин нур сочиб турмоқ, равшан ёнмоқ.PARLAMAK

2. Барқ урмоқ, балқимоқ.

блестеть, сиять, блистать

в shine, glitter, sparkle

parlaw, jarqıraw, nur shashıw