Перевод кино/видео материалов

Tarjimaning ushbu turi sinxron, ketma-ket va ishning maqsadi va tabiatiga koʻra (auditoriya uchun tarjima qilish, dublyaj, ovoz berish) va b. oʻzida jamlaydi. Kinofilmlarni bir tildan ikkinchi tilga oʻgirish ijodiy va texnikaviy jarayondir. Oʻgirish ishida kinostudiyaning montaj. ovoz, filmni qayta ishlash hamda murakkab syomka sexlari faoliyat koʻrsatadi. Oʻgirma (dublyaj) guruhi tashkil etiladi. Bu guruhga rejissyor, ovoz operatori va montajchilar kiradi. Oʻgirilayotgan filmga ovoz beradigan aktyorlar, tarjimon va joylovchi (ukladchik)lar shu guruhda ish olib boradilar. Kinostudiyaning ishlab chiqarish boʻlimi filmni tarjima qilish uchun oʻgirma guruhi (dublyaj guruhi)ni tashkil qiladi. Ssenariy boʻlimi oʻgirma guruhga muharrir tayinlaydi. Dublyaj qilingan filmda tasvir bilan musiqa aynan saqlanadi-yu, matn bilan shu matnni gapirayotgan aktyorlarning ovozi almashadi. Yangi matn filmning maqsadi bilan hamohang ravishda asl nusxaning barcha maʼnolarini, nutqning obrazliligi, personajlar talqini, soʻz oʻyinlari. hazil-mutoyiba, qochirma, maqollar va boshqalarni, boʻlak har qanday adabiy tarjimada boʻlgani kabi, aynan saqlashi ustiga, buni ekranda oʻynayotgan aktyorning ogʻiz-lab harakatlari, pauzalar, imo-ishoralar, qosh-koʻz va yuz harakatlariga mos ravishda aks ettiradi. Asl nusxadagi gaplar shaxs xarakteriga, soʻz oʻyini, hazillar aktyorlarda labning ochilib-yumilishiga, pauza va mimikalari ekrandagiga mos tushmogʻi darkor. Tarjima qilingan matnda, avvalgidek, soʻz oʻzining vazniga qoʻyilmaqom kelishi lozim. Tarjima qanchalik aniq boʻlmasin, tasvir vazniga toʻgʻri kelmasa, chunonchi, aktyor soʻzlarni qanchalik tez aytgani bilan unga ulgurolmasa, tarjima sifatsiz boʻlib chiqadi. Baʼzi hollarda ekrandagi holatga nisbatan soʻz uzun kelsa, dublyajda qatnashadigan aktyorlar,, Kino/video materiallar tarjimasi