panja
панжаpanja I
ot 1. Qoʻlning kaft va barmoqlardan iborat qismi.
Rais., keng panjasi bilan piyolani qopladi. — Oybek, Oltin vodiydan shabadalar
Akbarali hansirar, panjalari pichoq dastasini shunday qattiq qisib ushlagan ediki, boʻgʻinlari koʻkarib, qon talashib ketgan edi. — S. Ahmad, Ufq
2. s. t. Barmoq.
U buni besh panjasiday biladi.
Zakot bobidagi barcha taomil, qoida va tartib kaminaga besh panjaday ayon. — Oybek, Navoiy
Eshmurodning panjalari orasida pufakchalar paydo boʻlibdi. — Shuhrat, Shinelli yillar
Ikkita panjasi shartta uzilib tushdi-yu, jon holatda bir qoʻli bilan osilib, tomdan tushdi. — S. Ahmad, Ufq
3. Baʼzi hayvon va qushlar oyogʻining uch qismi; changal.
Ayiqning panjasi. Burgutning panjasi. Yosh qoʻl — arslon panjasi. — Maqol
Qirrador toshlarga panjalari bilan yopishib olgan kaltakesaklar nursiz koʻzlarini baqraytirib, tillarini chiqarib qoʻyishardi. — Yoshlik
4. koʻchma Iskanja. tutqunlik; tobelik.
Bu bahonada u bechorani ham zolimning panjasidan qutqazib, oʻz sevganiga qoʻshib olib keturmiz. — Hamza, Paranji sirlari
Oʻnlab qishloqni oʻz panjasida ushlab turgan Said Jalolxon eshonning pand-nasihatlari kuchlilik qilardi. — S. Ahmad, Hukm
- Besh panjani ogʻziga urmoq (yoki tiqmoq) — Senga necha marta aytdim, — yarim tanasini derazadan chiqarib, ukasini koyidi Malik muallim, — nafsingni tiy, besh panjangni ogʻzingga tiqma. — A. Koʻchimov, Halqa
- Panja orasidan qaramoq Ishga, masalaga rasmiyatchilik, sovuqqonlik, beparvolik bilan qaramoq. Nega uning qilmishlariga panja orasidan qaraysiz? — Sh. Rashidov, Boʻrondan kuchli
panja II
ot Panja koʻrinishidagi shakllari boʻlgan bilaguzuk turi.
PANJA
Qoʻlning kaft va barmoqlardan iborat qismi.PENÇE
panja
1. кисть руки, пятерня
2. пальцы
- besh panja пять пальцев
3. лапа, когти
- panja orasidan qaramoq неодобр. смотреть сквозь пальцы
panja
n finger, hand
besh panjaday ayon completely clear, obvious
PANJA
1. pánje, qısım
2. awıs, iskenje, tutqınlıq
panja
Hand f, Pfote f
- besh panjaday ayon klar wie fünf Finger
Panja
кисть