oʻtqazmoq

ўтқазмоқ

5 ta lugʻatda uchraydi JSON Shevalarda Barcha qidiruv natijalari

Izohli lugʻat

oʻtqazmoq

fl. 1. Kimsaning oʻtirishi uchun joy bermoq, oʻtirishga koʻmaklashmoq.

Gilamga oʻtqazmoq. Divanga oʻtqazmoq. Mashina kabinasiga oʻtqazmoq.

Zaynab oyogʻi olti, qoʻli yetti holda erini toʻrt qavat koʻrpacha ustiga oʻtqazib, yoniga uchta par-yostiqni uydi. — A. Qodiriy, Oʻtgan kunlar

2. Joylab qoʻymoq, oʻrnatmoq.

Yoʻlchi tokchada yotgan shamni yoqib, bir piyolani toʻntarib, uning ustiga shamni oʻtqazdi. — Oybek, Tanlangan asarlar

Mulla Burhon oppoq doka sallani qoziqdan ohista oldi, kimxob toʻppiga oʻtqazdi va boshiga qoʻydi. M. Joʻraboyev, M. — B. martabasi.

3. Ekmoq (koʻchat, qalamcha haqida).

4. Oʻrinlashtirmoq, joylamoq; qoʻymoq.

Kvartirant oʻtqazmoq.

Oʻtqazgani joy topmaslik Nihoyatda yaxshi qabul qilmoq, eʼzozlamoq. Oftob oyimni boʻlsa Oʻzbek oyim oʻtqazgani joy topmas, quda soʻzi oʻrniga, singlim, deb xitob qilar, oshni ham uning raʼyini soʻramasdan buyurmas edi. — A. Qodiriy, Oʻtgan kunlar
Boshiga oʻtqazmoq 1. Ortiq darajada hurmat qilmoq, eʼzozlamoq; Yosh, chiroyli xotinga yoqish, uning koʻnglini koʻtarish uchun, uni hammamizning boshimizga oʻtqazib qoʻyadi. — Oybek, Tanlangan asarlar