ораламоқ

oralamoq

1 та луғатда: Изоҳли яна 2 та луғатда — ҳаммасини кўриш ЖСОН Шеваларда Барча қидирув натижалари

Изоҳли луғат

ораламоқ

фл. 1. Ўртасидан, ичидан юрмоқ, ўтмоқ; кезмоқ.

Аҳмаджон немислар буталарни оралаб юз эллик метрча яқин келганда, устма-уст икки сидра ўқ ёғдирди. — А. Қаҳҳор, Олтин юлдуз

Қўшиқ оралайди оролма-орол, Асрлар уйқусин бузиб, уйғотиб. — Т. Тўла

2. Яшириниб кирмоқ, пайдо бўлмоқ, доримоқ.

Қишлоққа бўрилар оралаб қолди.

3. Суқилиб кирмоқ.

[Домла:] Жўрабой, кўнглингизга шайтон оралаб қолибди, калима келтиринг. — И. Султон, Бургутнинг парвози

4. Аралашмоқ.

[Ботиржон:] Колхоз рўзғорига ҳаром қўл оралаганини сезиб, қараб туролмадим. — Н. Сафаров, Ҳаёт мактаби

5. Битта-ярим тушмоқ, ора-сира пайдо бўлмоқ.

Қори битта-иккита оқ оралаган чўққи соқолининг учини ушлаб илжайди. — А. Қаҳҳор, Қўшчинор чироқлари

6. Икки орада, кишилар ўртасида пайдо бўлмоқ, туғилмоқ.

[Опоғойи] Зайнаб сиқилмасмикин, икки ўртага совуқчилик ораламасмикин, деб қўрқади. — А. Қодирий, Ўтган кунлар

Кун оралаб Кун оша, орадан бир кун ўтказиб, кун ора. Баъзан ҳар кун, баъзан кун оралаб кечқурун Унсинни кўргали [Ёʻлчи] Шокир отаникига келди. — Ойбек, Танланган асарлар
Ой оралаб Орадан бир ой ўтказиб, бир ой оша. Журнал ой оралаб чиқади.