ўлим
oʻlimўлим
от 1. биол. Организм ҳаёт фаолиятининг бутунлай тўхташи, тугаши; ортга қайтмас жараён, ҳужайра ва тўқималарда физиологик жараёнлар тўхтаб, ортга қайтмас ҳолат содир бўлиши.
2. Инсон ёки ҳайвон ҳаётининг тўхташи; вафот, қазо.
Отнинг ўлими — итнинг байрами. — Мақол
Гулнор ўлимининг учинчи куни Самарқанддан уларнинг бир қариндоши келган эди. — Ойбек, Танланган асарлар
Бел-бок олиб келган одам ўлим олдидан марҳумнинг нималар дегани ва қайси самоварда учратгани, бировни кўп тилга олганини сўзлади. — П. Турсун, Ўқитувчи
3. Жон таслим қилиш, жон бериш жараёни, вақти.
Майли, сиз учун ўлимга ҳам тайёрман. — П. Қодиров, Қора кўзлар
Лекин, Гулнорнинг ўлими олдида айтган сўзларини Гулсумбиби ўз эрига уқтирган эди. — Ойбек, Танланган асарлар
Хайрият, ўлим чекинди, икки ойдан сўнг бемор оёққа турди. — Газетадан
4. с. т. Ўлим юз бериши ва у билан боғлиқ ҳолат, шароит, жараён.
Ўзингиз биласиз, бултур падар марҳум бўлган эдилар, бугун бошимизга яна ўлим тушадиган бўлиб қолди, тоғам Ҳомидни аллакимлар чавоқлаб кетибдилар! — А. Қодирий, Ўтган кунлар
Ўлим— тўй эмас, борнинг пулини сочади, ёʻқнинг сирини очади. — Э. Раимов, Ажаб қишлоқ
- Ўлим жазоси Айбдорни ўлдириш кўзда тутилган жазо чораси. Бу ярамаслар ўлим жазосига ҳукм этилди. — Мирмуҳсин, Меъмор
- Ўлим тўшагида ётибди Ўлими жуда яқин, ўлим ҳолатида. Ўлим тўшагида ётганида ҳам ҳазилини қўймаган эди. — Т. Обидов, Юсуфжон қизиқ
- Ўлимдан хабарим бор, бу гапдан (ёки нарсадан) хабарим ёʻқ Бирор нарсадан хабарсизликни алоҳида таъкид билан ифодаловчи ибора. Бекор гап! Ўлимдан хабарим бор, бу гапдан хабарим ёʻқ — А. Қаҳҳор, Оғриқ тишлар