oʻlim

ўлим

9 ta lugʻatda uchraydi JSON Shevalarda Barcha qidiruv natijalari

Izohli lugʻat

oʻlim

ot 1. biol. Organizm hayot faoliyatining butunlay toʻxtashi, tugashi; ortga qaytmas jarayon, hujayra va toʻqimalarda fiziologik jarayonlar toʻxtab, ortga qaytmas holat sodir boʻlishi.

2. Inson yoki hayvon hayotining toʻxtashi; vafot, qazo.

Otning oʻlimi — itning bayrami. — Maqol

Gulnor oʻlimining uchinchi kuni Samarqanddan ularning bir qarindoshi kelgan edi. — Oybek, Tanlangan asarlar

Bel-bok olib kelgan odam oʻlim oldidan marhumning nimalar degani va qaysi samovarda uchratgani, birovni koʻp tilga olganini soʻzladi. — P. Tursun, Oʻqituvchi

3. Jon taslim qilish, jon berish jarayoni, vaqti.

Mayli, siz uchun oʻlimga ham tayyorman. — P. Qodirov, Qora koʻzlar

Lekin, Gulnorning oʻlimi oldida aytgan soʻzlarini Gulsumbibi oʻz eriga uqtirgan edi. — Oybek, Tanlangan asarlar

Xayriyat, oʻlim chekindi, ikki oydan soʻng bemor oyoqqa turdi. — Gazetadan

4. s. t. Oʻlim yuz berishi va u bilan bogʻliq holat, sharoit, jarayon.

Oʻzingiz bilasiz, bultur padar marhum boʻlgan edilar, bugun boshimizga yana oʻlim tushadigan boʻlib qoldi, togʻam Homidni allakimlar chavoqlab ketibdilar! — A. Qodiriy, Oʻtgan kunlar

Oʻlim— toʻy emas, borning pulini sochadi, yoʻqning sirini ochadi. — E. Raimov, Ajab qishloq

Oʻlim jazosi Aybdorni oʻldirish koʻzda tutilgan jazo chorasi. Bu yaramaslar oʻlim jazosiga hukm etildi. — Mirmuhsin, Meʼmor
Oʻlim toʻshagida yotibdi Oʻlimi juda yaqin, oʻlim holatida. Oʻlim toʻshagida yotganida ham hazilini qoʻymagan edi. — T. Obidov, Yusufjon qiziq
Oʻlimdan xabarim bor, bu gapdan (yoki narsadan) xabarim yoʻq Biror narsadan xabarsizlikni alohida taʼkid bilan ifodalovchi ibora. Bekor gap! Oʻlimdan xabarim bor, bu gapdan xabarim yoʻq — A. Qahhor, Ogʻriq tishlar

Oʻzbekcha-turkcha izohli lugʻat

OʻLIM

Organizmdagi hayotiy faoliyatning toʻxtashi, tirik organizm hayotining bitishi; qazo.ÖLÜM

Favqulodda vaziyatlar lugʻati

Oʻlim

organizm hayot faoliyatining toʻxtashi va buning oqibatida hayotning asosiy moddiy oziqlantiruvchi muhiti boʻlgan oqsillarning va boshqa biopolimerlarning parchalanishi bilan kechuvchi, boshqalardan ajralib turadigan tirik tizim sifatida individuumning nobud boʻlishi. Issiq qonli hayvonlarda va insonda avvalo nafas olish va qon aylanishining toʻxtashi bilan bogʻliq. Shu sababli Oʻ. ning ikki asosiy bosqichi ajratiladi: klinik Oʻ. va uning ortidan keluvchi biologik deb ataluvchi, yoki haqiqiy.

Ruscha-oʻzbekcha va oʻzbekcha-ruscha lugʻat

oʻlim

n погов. смерть, кончина

oʻlim qosh bilan qovoqning oʻrtasida (букв. смерть между зрачком глаз и веками) смерть ходит рядом с жизнью; смерть не за горами