оғирлашмоқ

фл. 1. Вазни, оғирлиги ошмоқ, оғирроқ бўлиб қолмоқ, оғир тортмоқ; вазминлашмоқ; кўпайиб бормоқ.

Ёғоч бўкиб, анча оғирлашди. Машинанинг юки оғирлашиб кетди.

Қордан кичкина юмалоқ ясаб, думалата-думалата, ўз бўйларидан баланд катта курра ясаганлар. У жуда оғирлашган. — Ойбек, Танланган асарлар

2. кўчма Тобора машаққатли бўлмоқ.

Ботиралининг хаёли унинг елкасига оғир юк бўлиб тушди ва бу юк кундан-кун оғирлашарди. — Ёшлик

3. Қийинлашмоқ, мураккаблашмоқ.

Иш оғирлашди.

4. Оғир тортмоқ, мушкуллашмоқ.

Беморнинг нафас олиши оғирлашди.

5. Моддий жиҳатдан ночор ҳолга тушиб қолмоқ; машаққатли, уқубатли бўлиб қолмоқ.

Аям ўлгандан кейин аҳволимиз яна оғирлашди. — Ойбек, Танланган асарлар

Замон оғирлашиб кетганмиш, нима қилай, қон ютиб ўтирибман. — Т. Малик, Иблис девори

6. Ноқулай, қийин бўлиб қолмоқ.

Энди қизининг олдига кириб, унинг бетига қараш унга [қутидорга] жуда ҳам оғирлашган эди, чунки бу фожианинг бош омили деб ўзини таниган эди. — А. Қодирий, Ўтган кунлар

7. Хавфли тус олмоқ, хавфли, хатарли бўлиб қолмоқ, жиддийлашмоқ.

Аҳвол борган сари оғирлашди. Погодин қўшинлари ярим ҳалқа ичида қолди. — И. Раҳим, Чин муҳаббат

— Бойларнинг чақиғи билан Ёʻлчининг иши оғирлашди,— деди Шокир ота. — Ойбек, Танланган асарлар

8. Кучаймоқ, зўраймоқ, тузалиши маҳол бўлиб қолмоқ.

Бемор кундан-кунга оғирлашяпти.

Фазилат опанинг аҳволи оғирлашиб борарди. Ранги сарғайиб, озиб чўп бўлиб қолди. — М. Ҳазратқулов, Журъат

9. Ошмоқ, кучаймоқ.

Жинояти оғирлашди. Жазо чоралари оғирлашди.

10. кўчма Гангиб қолмоқ, ўзини ёмон ҳис этмоқ.

Киши дардини англатолмаса оғирлашади. — А. Қаҳҳор, Сароб

Қотмадан келган Смирнов бу сўзларни эшитгач, оғирлашиб кетгандай бўлди. — Ш. Рашидов, Бўрондан кучли

1. Вазни, оғирлиги ошмоқ; оғирроқ бўлиб қолмоқ; вазминлашмоқ.AĞIRLAŞMAK

2. Қийинлашмоқ, мураккаблашмоқ.ZORLAŞMAK

1. отяжелеть

2. затрудняться, становиться трудным

3. ухудшаться (о болезни)

в grow heavy, worsen, become more serious

awırlasıw, qıyınlasıw, kásheyiw, zorayıw

schwerfällig werden