Месостих

Har bir misradagi maʼlum harflarni yuqoridan pastga qarab oʻqiganda biror soʻz yoki shaxs ismi hosil boʻladigan sheʼr shakli. Edgar Poning «Topishmoq» sheʼridagi birinchi misraning birinchi harfi, ikkinchi misraning ikkinchi harfi va shunga oʻxshash harflari qoʻshib oʻqilganda «Sarra Anna Lyuis» ismi chiqadi. Bu ism mazkur sheʼrning ruscha tarjimasida ham saqlangan. Mesostix akrostix (q.)dan farq qiladi. Akrostixda misralardagi faqat birinchi harflardan nom yoki soʻz kelib chiqadi. Sharq adabiyotidagi muvashshah (q.) janrida ham nom yoki yashiringan soʻz misralar (yoki baytlar)ning birinchi harfidan hosil boʻladi. Mesostix asosan shakliy funksiya bajargani va yaratilishi jihatidan birmuncha sunʼiy xarakter kasb etib, aksar hollarda gʻoyaviy-estetik jihatdan zaifroq boʻladi., mesostix