kurak

курак

7 ta lugʻatda uchraydi JSON Shevalarda Barcha qidiruv natijalari

Izohli lugʻat

kurak

ot 1. Sochilgan narsalarni sidirish, kurash, toʻplab biror narsaga solish uchun ishlatiladigan, yogʻochdan yoki metalldan yasalgan uzun sopli asbob.

Yoʻlchi kurak va supurgi olib, otxonani tozalay boshladi. — Oybek, Tanlangan asarlar

Mehmonxona ustida quloqlarini latta bilan bogʻlagan bola yogʻoch kurakni gʻirshillatib, qor kurab yotgan edi. — P. Tursun, Oʻqituvchi

2. anat. Yelkaning yuqori qismidagi uch-burchak shaklli yalpoq suyak.

— Sekinroq yursang boʻlmaydimi, qizim! — dedi ona qoʻli bilan Zeboning ikki kuragi oʻrtasiga yopishgan koʻylagini koʻchirar ekan. — Shuhrat, Shinelli yillar

Kurak tish Yuqori qatordagi oldingi ikki yalpoq tish. Yoshni bilib olishga imkon beradigan ancha aniq, belgi kurak tishlardir. — N. Mavlonov, Qoramolchilik
Kurakda turmaydigan 1. Tilga olib boʻlmaydigan, yaramas, uyatli (gap-soʻz haqida). Normathojining joni chiqib, tomdagilarni kurakda turmaydigan soʻzlar bilan soʻkib, haydab yubordi. — Oydin, Bechora;Eson yana oʻtirib qolishga majbur edi. Chunki u, akasining ichganda qiladigan oʻjarligi hech kurakda turmaydigan darajada boʻlishini bilardi. — H. Ahmar, Kim haq?

Oʻzbekcha-turkcha izohli lugʻat

KURAK

1. Sochilgan narsalarni sidirish, kurash, toʻplab biror narsaga solish uchun ishlatiladigan uzun sopli asbob.KÜREK

2. Yelkaning yuqori qismidagi uchburchak shaklli yalpoq suyak.

«Qutadgʻu bilig» izohli lugʻati

KÜRÄK

oʻzbekchaqochqin, qochuvchiruschaбеглецinglizcharefugee

Küräk-mä idimdin kürämiš otun Men qochuvchiman, gunohim sabab Egamdan qochmoqdaman – Я беглец, бежавший от моего господина (бога) грешник – I am a fugitive, I’m escaping for Allah because of my sin who fled from my master (God) a sinner

Ruscha-oʻzbekcha va oʻzbekcha-ruscha lugʻat

kurak

1. деревянная лопата (для выгребания снега, навоза и т.п.)

2. анат. лопатка (плечевая кость)

kurakda turmaydigan gap чушь, ерунда; (букв. такое слово, которое даже на лопате не удержишь) ни в какие ворота не лезет
kuragi yerga tegmagan polvon борец, который никогда не знал поражений (букв. лопатки которого не касались земли)
kuragini yerga tegizmoq положить на обе лопатки (в борьбе)