koʻtarilmoq

fl. 1. Koʻtarmoq feʼlining oʻzlik va majhul nisbati.

Parda koʻtarildi. Koʻnglim togʻdek koʻtarildi. Bemorning harorati koʻtarildi.

Qirq ming gaz koʻtaril, zolimning dori! — Rustamxon

2. Yuqori tomonga harakatlanmoq.

Tomga koʻtarilmoq. Qirga koʻtarilmoq. Osmonga koʻtarilmoq.

Kaptarlar juda baland koʻtarilib, koʻzdan gʻoyib boʻlibdilar. — Chalpak yoqqan kun

Ziyobek boy uyidan chiqib, yoʻngʻichqazorga kelganda, kun allaqachon botib, oy terak boʻyi koʻtarilib qolgan edi. — N. Fozilov, Diydor

Tutun va kukun koʻkka koʻtarilib, qishloq havosini boʻgʻib qoʻygan. — I. Rahim, Chin muhabbat

3. Amal-vazifa jihatdan yuqorilamoq; mansabi oshmoq, martabasi ortmoq.

Kamlali bola ekan, mana, oʻz ustida ishlab, koʻtarilib ketdi. — Guldasta

Murod Nosirovich koʻtarilib ketgan boʻlsalar ham, maktabimizga tez-tez kelib turadilar. — E. Raimov, Ajab qishloq

4. Kuch, daraja va shu kabilar jihatdan oshmoq.

Kunlar ancha uzayib qoldi, havoning harorati kun sayin koʻtarilib, borliq mavjudot jonlana boshladi. — Gazetadan

Otlar oʻlchovli qadam tashlab ilgari bosarkan, yigitlarning goh koʻtarilib, goh pasayadigan mungli ashulalari ostida mingboshi dodhoning miyasi shu fikrlar bilan tashvishlanardi. — Choʻlpon, Kecha va kunduz

5. Ayrim soʻzlar bilan qoʻllanib, shu soʻz bildirgan ish-harakat, hodisaning yuz berishini, yuzaga kelishini bildiradi.

Kulgi koʻtarildi. Shamol koʻtarildi. Shovqin koʻtarildi.

Bir muddat oʻtar-oʻtmas, dashtda toʻs-toʻpolon koʻtarildi. — Mirmuhsin, Meʼmor

Katta janjal koʻtarilishiga koʻzi yetib, shay boʻlib turdi. — K. Yashin, Hamza

6. Ayrim soʻzlar bilan birikkanda, yoʻq boʻlmoq, tarqalmoq maʼnosini bildiradi.

Yodidan (xayolidan) koʻtarilmoq. Baraka koʻtarildi.

Yurtdan insof-adolat koʻtarilgan. — Oshek, Navoiy

Lekin shu kunlardan boshlab Sobirning xayolidan bosh muharrirning soʻzlari koʻtarilmay qoldi. — O. Moʻminov, Xiyobondagi uch uchrashuv

страд. от ko'tarmoq 1. подниматься

2. повышаться (о человеке)

1. kóteriliw

2. lawazımı kóteriliw, mártebesi artıw

3. asıw, kóbeyiw