koʻrsatmoq
кўрсатмоқkoʻrsatmoq
fl. 1. Koʻrmoq feʼlining orttirma nisbati.
Kitoblarni koʻrsatdi.
Shogird yigit Murodni koʻrsatdi. — T. Murod, Oq ot
2. Namoyish qilmoq; amalda isbotlamoq; bildirmoq.
Bilimdonligini koʻrsatdi. Doʻstligini koʻrsatdi. U [Ahmadjon] mehnatga boʻlgan qobiliyatini ayniqsa kolxozda koʻrsatdi. — A. Qahhor, Oltin yulduz
Bu yigit boshqa hech ishda oʻzini koʻrsatmagan edi, shu ishga qoʻydik, bunda oʻzini koʻrsatdi. — A. Qahhor, Kartina
3. Dalil keltirmoq, aytib yoki namoyish qilib isbotlamoq.
Bahona koʻrsatmoq. Dalil koʻrsatmoq. Sabab koʻrsatmoq.
Bunga nima vaj koʻrsatasiz? Koʻrdingizmi, koʻrsatayotgan vajingizning oʻzi vajga muhtoj. — A. Qahhor, Qoʻshchinor chiroqlari
4. Nishon bermoq; dalolat, ishora qilmoq, bildirmoq.
Bu narsa koʻrsatadiki, Mirzakarim otam dunyo lazzatini yaxshi tushunadilar, yana koʻp vaqt bu lazzatdan bahramand boʻlishni istaydilar. — Oybek, Tanlangan asarlar
Lekin kechasi koʻringan butun alomatlar dushman shitob bilan chekinayotganini koʻrsatar edi. — A. Qahhor, Oltin yulduz
5. Biror ish yoki vazifani bajarish uchun birovning muvofiqligini, munosibligini aytmoq, nomzodini taklif etmoq.
Aravakash Yoʻlchini chaqirdi: — Katta oyimning yumushlari bor ekan. Menga buyurgan edilar. Ishim zarurligidan sizni koʻrsatdim. Siz uchrashing. — Oybek, Tanlangan asarlar.
6. s. t. Adabini, taʼzirini bermoq; oʻch olmoq.
Qachongacha ovozimni boʻgʻadilar; tirikman — tinchimayman. Koʻrsataman ularga! — Oybek, Tanlangan asarlar
Xaloyiq oldida meni beobroʻ qilishning oqibatini sen it qoriga bir koʻrsatib qoʻyay hali! — M. Ismoiliy, Fargʻona tong otguncha
7. Qilib, etib ravishdoshlari bilan birikib, ular boshqargan soʻzdan anglashilgan belgi yoki xususiyatga ega ekanlikni isbotlashga, bunga boshqalarni ishontirishga urinmoq maʼnosida ishlatiladi.
Birovni yomon qilib koʻrsatma. Oʻzini bilarmon qilib koʻrsatmoq.
Galkin oʻzini qoʻy ogʻzidan choʻp olmagan qilib koʻrsatishga intilar edi. — K. Yashin, Hamza
8. Ayrim otlar bilan birikib, shu otlar bildirgan ish-harakat, narsani qilish, namoyon etish maʼnosini bildiradi.
Gʻayrat koʻrsatmoq. Jasorat koʻrsatmoq. Matonat koʻrsatmoq. Taʼsir koʻrsatmoq. Qarshilik koʻrsatmoq. Gʻamxoʻrlik koʻrsatmoq. Hurmat koʻrsatmoq.
Gulnorning gʻoyib boʻlishi Yoʻlchiga yashin urgan kabi taʼsir koʻrsatdi. — Oybek, Tanlangan asarlar
[Azizbek:] Bunchalik gʻayrat koʻrsatgan fuqarolarga rahmat, dunyo turguncha tursinlar! — A. Qodiriy, Oʻtgan kunlar
Bunda, ayniqsa, kashmirlik darvesh jonbozlik koʻrsatdi. — K. Yashin, Hamza
- Jonini koʻziga koʻrsatmoq Qattiq azob bermoq. — Islom, men bu itning vangillashini eshitmoqchiman, jonini koʻziga bir koʻrsatib qoʻy, — dedi gʻazabdan koʻzining paxtasi chiqib ketgan Ergash. — K. Yashin, Hamza
- Ish koʻrsatmoq Biror ish bilan nom qozonmoq, maʼlum-mashhur boʻlmoq. Hozirgi zamon ish koʻrsatganniki. — U. Ismoilov, Saylanma
- Yoʻl koʻrsatmoq Yoʻl-yoʻriq tarzidagi fikr aytmoq, maslahat bermoq. Yoshlarga yoʻl koʻrsatmoq.Kechirim soʻrab, xat yoz, yoʻl koʻrsatadi Ergash. — Guldasta
- Kunini koʻrsatmoq Nihoyatda qiyin (ogʻir) ahvolga solmoq, adabini bermoq. Sen shoshmay tur hali otamga aytib beraman, kuningni koʻrsatadi. — S. Siyoyev, Yorugʻlik
- Oyogʻi (yoki oyogʻining uchi) bilan koʻrsatmoq Kimsani oʻta mensimaslik, unga shunday munosabatni bildiradi. u bilgan odamlar yo oʻzidan past, yo oʻzidan yuqori; oʻzidan past odamni oyogʻi bilan koʻrsatar, oʻzidan yuqori odamning esa oyogʻiga yiqilar edi. — A. Qahhor, Sarob
- Qorasini koʻrsatmaydi Butunlay koʻrinmaydi, koʻrinish bermaydi, uchrashmaydi. Bu nima gap, qizim? Aqlli, hushli, kap-katta yigit birdan qorasini koʻrsatmay ketsin! — Oybek, Tanlangan asarlar
KOʻRSATMOQ
1. Dalolat bermoq, bildirmoq.GÖSTERMEK
2. Biror ish yoki vazifani bajarish uchun birovning muvofiqligini , nomzodini taklif etmoq.
koʻrsatmoq
1. показывать
bemorni vrachga koʻrsatmoq показывать больного врачу
2. оказывать
yordam koʻrsatmoq помогать, оказывать помощь
3. демонстрировать
kino koʻrsatmoq демонстрировать кинокартину
- koʻrsatib qoʻyaman я тебе покажу; я тебе задам; я тебе покажу, где раки зимуют
koʻrsatmoq)
koʻrsatmoq
v show, demonstrate
- yordam koʻrsatmoq give help; assist; help; render assistance
KOʻRSATMOQ
1. kórsetiw
2. usınıw, bildiriw
3. dálil keltiriw
4. ımlaw, ım qağıw
5. ósh alıw, kózine kórsetiw, azap beriw
koʻrsatmoq
1. zeigen vt, aufzeigen vt, (kimnidir) aufweisen vt, auf A
2. (televideniyada) senden vt, übertragen vt, ausstrahlen vt, (sahnada) aufführen vt, demonstrieren vt