кўрсатмоқ
koʻrsatmoqкўрсатмоқ
фл. 1. Кўрмоқ феълининг орттирма нисбати.
Китобларни кўрсатди.
Шогирд йигит Муродни кўрсатди. — Т. Мурод, Оқ от
2. Намойиш қилмоқ; амалда исботламоқ; билдирмоқ.
Билимдонлигини кўрсатди. Дўстлигини кўрсатди. У [Аҳмаджон] меҳнатга бўлган қобилиятини айниқса колхозда кўрсатди. — А. Қаҳҳор, Олтин юлдуз
Бу йигит бошқа ҳеч ишда ўзини кўрсатмаган эди, шу ишга қўйдик, бунда ўзини кўрсатди. — А. Қаҳҳор, Картина
3. Далил келтирмоқ, айтиб ёки намойиш қилиб исботламоқ.
Баҳона кўрсатмоқ. Далил кўрсатмоқ. Сабаб кўрсатмоқ.
Бунга нима важ кўрсатасиз? Кўрдингизми, кўрсатаётган важингизнинг ўзи важга муҳтож. — А. Қаҳҳор, Қўшчинор чироқлари
4. Нишон бермоқ; далолат, ишора қилмоқ, билдирмоқ.
Бу нарса кўрсатадики, Мирзакарим отам дунё лаззатини яхши тушунадилар, яна кўп вақт бу лаззатдан баҳраманд бўлишни истайдилар. — Ойбек, Танланган асарлар
Лекин кечаси кўринган бутун аломатлар душман шитоб билан чекинаётганини кўрсатар эди. — А. Қаҳҳор, Олтин юлдуз
5. Бирор иш ёки вазифани бажариш учун бировнинг мувофиқлигини, муносиблигини айтмоқ, номзодини таклиф этмоқ.
Аравакаш Ёʻлчини чақирди: — Катта ойимнинг юмушлари бор экан. Менга буюрган эдилар. Ишим зарурлигидан сизни кўрсатдим. Сиз учрашинг. — Ойбек, Танланган асарлар.
6. с. т. Адабини, таъзирини бермоқ; ўч олмоқ.
Қачонгача овозимни бўғадилар; тирикман — тинчимайман. Кўрсатаман уларга! — Ойбек, Танланган асарлар
Халойиқ олдида мени беобрў қилишнинг оқибатини сен ит қорига бир кўрсатиб қўяй ҳали! — М. Исмоилий, Фарғона тонг отгунча
7. Қилиб, этиб равишдошлари билан бирикиб, улар бошқарган сўздан англашилган белги ёки хусусиятга эга эканликни исботлашга, бунга бошқаларни ишонтиришга уринмоқ маъносида ишлатилади.
Бировни ёмон қилиб кўрсатма. Ўзини билармон қилиб кўрсатмоқ.
Галкин ўзини қўй оғзидан чўп олмаган қилиб кўрсатишга интилар эди. — К. Яшин, Ҳамза
8. Айрим отлар билан бирикиб, шу отлар билдирган иш-ҳаракат, нарсани қилиш, намоён этиш маъносини билдиради.
Ғайрат кўрсатмоқ. Жасорат кўрсатмоқ. Матонат кўрсатмоқ. Таъсир кўрсатмоқ. Қаршилик кўрсатмоқ. Ғамхўрлик кўрсатмоқ. Ҳурмат кўрсатмоқ.
Гулнорнинг ғойиб бўлиши Ёʻлчига яшин урган каби таъсир кўрсатди. — Ойбек, Танланган асарлар
[Азизбек:] Бунчалик ғайрат кўрсатган фуқароларга раҳмат, дунё тургунча турсинлар! — А. Қодирий, Ўтган кунлар
Бунда, айниқса, кашмирлик дарвеш жонбозлик кўрсатди. — К. Яшин, Ҳамза
- Жонини кўзига кўрсатмоқ Қаттиқ азоб бермоқ. — Ислом, мен бу итнинг вангиллашини эшитмоқчиман, жонини кўзига бир кўрсатиб қўй, — деди ғазабдан кўзининг пахтаси чиқиб кетган Эргаш. — К. Яшин, Ҳамза
- Иш кўрсатмоқ Бирор иш билан ном қозонмоқ, маълум-машҳур бўлмоқ. Ҳозирги замон иш кўрсатганники. — У. Исмоилов, Сайланма
- Ёʻл кўрсатмоқ Ёʻл-ёʻриқ тарзидаги фикр айтмоқ, маслаҳат бермоқ. Ёшларга ёʻл кўрсатмоқ.Кечирим сўраб, хат ёз, ёʻл кўрсатади Эргаш. — Гулдаста
- Кунини кўрсатмоқ Ниҳоятда қийин (оғир) аҳволга солмоқ, адабини бермоқ. Сен шошмай тур ҳали отамга айтиб бераман, кунингни кўрсатади. — С. Сиёев, Ёруғлик
- Оёғи (ёки оёғининг учи) билан кўрсатмоқ Кимсани ўта менсимаслик, унга шундай муносабатни билдиради. у билган одамлар ё ўзидан паст, ё ўзидан юқори; ўзидан паст одамни оёғи билан кўрсатар, ўзидан юқори одамнинг эса оёғига йиқилар эди. — А. Қаҳҳор, Сароб
- Қорасини кўрсатмайди Бутунлай кўринмайди, кўриниш бермайди, учрашмайди. Бу нима гап, қизим? Ақлли, ҳушли, кап-катта йигит бирдан қорасини кўрсатмай кецин! — Ойбек, Танланган асарлар
КЎРСАТМОҚ
1. Далолат бермоқ, билдирмоқ.GÖSTERMEK
2. Бирор иш ёки вазифани бажариш учун бировнинг мувофиқлигини , номзодини таклиф этмоқ.
кўрсатмоқ
1. показывать
беморни врачга кўрсатмоқ показывать больного врачу
2. оказывать
ёрдам кўрсатмоқ помогать, оказывать помощь
3. демонстрировать
кино кўрсатмоқ демонстрировать кинокартину
- кўрсатиб қўяман я тебе покажу; я тебе задам; я тебе покажу, где раки зимуют
кўрсатмоқ)
кўрсатмоқ
в show, demonstrate
- ёрдам кўрсатмоқ give help; assist; help; render assistance
КЎРСАТМОҚ
1. kórsetiw
2. usınıw, bildiriw
3. dálil keltiriw
4. ımlaw, ım qağıw
5. ósh alıw, kózine kórsetiw, azap beriw
кўрсатмоқ
1. zeigen vt, aufzeigen vt, (kimnidir) aufweisen vt, auf A
2. (televideniyada) senden vt, übertragen vt, ausstrahlen vt, (sahnada) aufführen vt, demonstrieren vt