koʻrmana

ot 1. Kelinni yoki yangi tugʻilgan bolani birinchi marta koʻrishda yaqin kishilar, qarindosh-urugʻlar tomonidan beriladigan sovgʻa.

Koʻrmana bermoq.

Toychogʻimning koʻrmanasini chiqar, dadasi, — dedi [Oʻzbek oyim]. — A. Qodiriy, Oʻtgan kunlar

Olim boʻlgan doʻstining tabrigi hamda kelin koʻrmanasi deb, ixchamgina, chiroyli bir magnitofonni koʻtarib, Sobirjon kirib keldi. — D. Nuriy, Osmon ustuni

2. Koʻrish (koʻrgazma) uchun qilingan.

Baʼzi serhasham, yaltiroq, koʻrmana uchun qurib qoʻyilgan shiyponlardan emas. — R. Fayziy, Asad libosi

Baʼzilar Bu mashina koʻrmana uchun qoʻyilarmish desa, baʼzilar Toʻppa-toʻgʻri Moskvaga [koʻrgazmaga] yuborilarmish, deb oʻyladi. — I. Rahim, Zangori kema kapitani

kórimlik