Концепт

Тушунчанинг мазмуни; фикр, тасаввур. Лотин тилидаги консептус “тушунча” сўзининг калкаланган шакли. Рус тилшунослигида “консепт” тушунчаси ХХ асрнинг 1-чорагида файласуф С.Асколдов томонидан илмий муомалага киритилган. Ушбу термин тилшуносликда ўтган асрнинг 80-йилларига қадар “тушунча” сўзига синоним сифатида қўлланилган бўлса, бугунги кунга келиб унинг изоҳи “тушунча” терминига нисбатан кенгайди. Консепт икки хил хусусиятга эга. Биринчидан, маданият консепт кўринишида инсоннинг ментал дунёсига кирса, иккинчидан, инсон консепт ёрдамида маданиятга киради ва баъзан унга таъсир кўрсатади. Консептнинг когнитив тилшунослик, лингвокултурология, шунингдек, адабиёцҳунослик фанларидаги изоҳи ўзаро фарқланади. Лингвокултурологияда консепт менталлик хусусиятига ҳамда лисоний ифодага эга бўлган, этномаданий ўзига хослиги билан ажралиб турувчи жамоа онги бирлигидир. Консепт лингвомаданий бирлик сифатида у ёки бу халқ маданиятининг ўзига хос жиҳатларини ифодалайди (Усманова, 2019:204)., Консепт (тушунча).