Концепт

Tushunchaning mazmuni; fikr, tasavvur. Lotin tilidagi conseptus “tushuncha” soʻzining kalkalangan shakli. Rus tilshunosligida “konsept” tushunchasi XX asrning 1-choragida faylasuf S.Askoldov tomonidan ilmiy muomalaga kiritilgan. Ushbu termin tilshunoslikda oʻtgan asrning 80-yillariga qadar “tushuncha” soʻziga sinonim sifatida qoʻllanilgan boʻlsa, bugungi kunga kelib uning izohi “tushuncha” terminiga nisbatan kengaydi. Konsept ikki xil xususiyatga ega. Birinchidan, madaniyat konsept koʻrinishida insonning mental dunyosiga kirsa, ikkinchidan, inson konsept yordamida madaniyatga kiradi va baʼzan unga taʼsir koʻrsatadi. Konseptning kognitiv tilshunoslik, lingvokulturologiya, shuningdek, adabiyotshunoslik fanlaridagi izohi oʻzaro farqlanadi. Lingvokulturologiyada konsept mentallik xususiyatiga hamda lisoniy ifodaga ega boʻlgan, etnomadaniy oʻziga xosligi bilan ajralib turuvchi jamoa ongi birligidir. Konsept lingvomadaniy birlik sifatida u yoki bu xalq madaniyatining oʻziga xos jihatlarini ifodalaydi (Usmanova, 2019:204)., Konsept (tushuncha).