koʻkarmoq

fl. 1. Oʻt-oʻsimlik yoki barglar bilan qoplanib, koʻk, yashil tusga kirmoq.

Bahor keldi, dalalar koʻkara boshladi.

Giyoh unmagan choʻllar mehnatkashlar qoni baravariga yam-yashil koʻkargan edi. — A. Qodiriy, Mehrobdan chayon

2. Unib-oʻsmoq, amal olmoq; koʻklamoq (oʻt-oʻsimliklar haqida).

Ekin yaxshi koʻkardi.

Churuk boʻgʻotlari osilgan eski uylarning tomlari chetida maysalar koʻkardi. — Oybek, Tanlangan asarlar

Bogʻ brigadasidagi kishilar butun yoz boʻyi ularni parvarish qildi, qaradi. Lekin olmalar koʻkarmadi. — Gazetadan

3. koʻchma Rivoj topmoq; oʻsib-unmoq, oʻsmoq.

Daraxt bir joyda (yerda) koʻkaradi. — Maqol

Yer olgan koʻkaradi, yer sotgan quriydi. Mana bu gapning magʻzini chaq! — Oybek, Tanlangan asarlar

Birovning koʻkarganini koʻra olmaydigan gʻalamisga oʻxshaydi. — S. Nurov, Narvon

4. Qattiq zarb, sovuq yoki boshqa biror sabab taʼsirida koʻk-qoramtir tusga kirmoq (badan, yuz rangi haqida).

Bolaning qoʻllari sovuqdan koʻkarib ketibdi.

Koʻkarib ketgan oyoqni koʻrib, Polvonning rahmi keldi. — J. Sharipov, Xorazm

Boʻtavoy jahldan koʻkarib soʻkinar, paranjisi yelkasiga tushib ketgan Eshon aya ovozining boricha dod solib, uni qargʻardi. — S. Ahmad, Hukm

5. Aynib, buzilib, koʻkka moyil tus olmoq.

Goʻsht koʻkarib qolibdi.

Koʻkarib ketgan bu sassiq suvda bijillab yotgan har xil qurtlar tushgan yerida bir-ikki qilpanglab, darrov oʻlardi. — M. Ismoiliy, Fargʻona tong otguncha

1. (chiqmoq)grünen vi, wachsen vi, s, gedeihen vi, s, heranwachsen

2. (rangga kirmoq)grün werden, blauen vi, blau werden

3. (aynimoq)verderben vi, s, faulen, vi, s

1. зеленеть (о растениях)

2. расти (о растениях)

yerdan koʻkarib chiqar, bagʻridan oltin oqar из земли зелёным ростком идёт, и золото из груди течёт (Хлопок)

3. синеть

sovuqdan lablari koʻkarib ketibdi от холода у него посинели губы

v become green, turn green

1. kógeriw, kóklew, bórtiw, ósiw, óniw, nál tutıw

2. awis. jaynaw, gúlleniw, qulpırıw, rawajlanıw

3. kógeriw, bozarıw (teri, túr-tús haqqında)

4. ayníw, buzılıw, baz basıw