koʻchmoq

кўчмоқ

7 ta lugʻatda uchraydi JSON Shevalarda Barcha qidiruv natijalari

Izohli lugʻat

koʻchmoq

fl. 1. Yashash joyidan ketmoq, boshqa yashash joyiga oʻtmoq.

Olovni kovlasang — oʻchar, qoʻshnini kovlasang — koʻchar. — Maqol

U [Nuri] Yormat oilasining boqqa koʻchib ketganini eshitib, afsus qildi. — Oybek, Tanlangan asarlar

Bu yerdan hech qachon koʻchmayman, sen ham koʻchmaysan. — Sh. Rashidov, Boʻrondan kuchli

2. Umuman, oʻrni, manzili va shu kabilardan boshqasiga oʻtmoq, jilmoq, ketmoq.

Bu yil qizim beshinchi sinfga koʻchadi.

Ana, qoqdi qanotin bulbul, Kelib qoʻndi chiroyli gulga. Shoxdan-shoxga koʻchadi nuqul, Kuyi rohat berar koʻngilga. — I. Muslim.

Kuz kirib, ularning uchrashuvlari ishxonaga koʻchgan dastlabki kunlar — Yoshlik

3. koʻchma Mavzuni, harakatni, yashash yoki ishlash tarzini oʻzgartirmoq, boshqasiga oʻtmoq.

Xadicha xolaning bas, qiynama degan mazmunda koʻz qisishini koʻrib, boshqa gapga koʻchdi. — A. Qahhor, Qoʻshchinor chiroqlari

4. Yopishgan, birikkan joyidan ajramoq.

Uning [masjidning] baland va siri koʻchib ketgan eski ustunlik ayvonida uch-toʻrt namozxon oʻtirishibdi. — P. Tursun, Oʻqituvchi

Ovoz lampochkasining ostidagi qoʻrgʻoshinlar koʻchib ketibdi, yangidan yoʻpishtirdi. — T. Ashurov, Oq ot

Yengil (yoki oson) koʻchmoq Qiyinchiliksiz hal boʻlmoq, amalga oshmoq. Nima boʻlgan-da ham, koʻnglining bir chekkasini kirlatib yotgan bu ota-ona orzusi, bir tomondan qaralganda, juda yengil koʻchgan edi. — A. Qodiriy, Oʻtgan kunlarBu ish ham xamirdan qil sugʻurgandek oson koʻchdi. — M. Qazratqulov, Jurʼat
Ogʻir (yoki qiyin) koʻchmoq Qiyinchilik bilan sodir boʻlmoq; qiyin hal boʻlmoq; ogʻir sharoitda oʻtmoq. Bu yil ish yana ancha ogʻir koʻchadiganga oʻxshaydi-a. — Sh. Gʻulomov, Yorqin ufqlarAyniqsa, qish bilan olishish juda-juda qiyin koʻchibdi. — Sh. Gʻulomov, Yorqin ufqlar

Oʻzbekcha-turkcha izohli lugʻat

KOʻCHMOQ

Yashash yoki ishlash joyiniGÖÇ ETMEK

Ruscha-oʻzbekcha va oʻzbekcha-ruscha lugʻat

koʻchmoq

1. перемещаться, переходить

boshqa ishga koʻchmoq переходить на другую работу

2. переезжать, переселяться

yangi uyga koʻchmoq вселиться в новый дом

oʻtga tegsang — oʻchar, qoʻshniga tegsang — koʻchar если тронешь огонь — погаснет, а если заденешь соседа — он переселится

gʻisht qolipdan koʻchdi (букв. кирпич сдвинулся со своего места в форме) дело свершилась, уже поздно, теперь не переделаешь
oson koʻchkur! чтоб ты скорее подох!

Inglizcha-oʻzbekcha, oʻzbekcha-inglizcha lugʻat

koʻchmoq

v move, shift, migrate, relocate

Oʻzbekcha-qoraqalpoqcha lugʻat

KOʻCHMOQ

1. kóshiw, posıw

2. ketiw, ornın ózgertiw

Oʻzbekcha-nemischa lugʻat

koʻchmoq

1. umziehen vi, s, verziehen vi, s, übersiedeln vi, s, (boshqa mamlakatga) auswandern vi

2. (ko'chmanchilik qilmoq) nomadisieren vi, umherziehen vi, s

3. (yer, tuproq) herunterrutschen vi