Клаузула

klauzula. Sheʼriy misralardagi eng oxirgi urgʻudan keyin keluvchi va misrani yakunlovchi hijolar, ritmik tugallanma. Klauzula sheʼriy misra oxiridagi urgʻuning oʻrniga qarab turlicha boʻlishi mumkin. Masalan, urgʻu misradagi oxirgi hijoga tushsa, bunday klauzula mujskaya klauzula, oxiridan ikkinchisiga tushsa, jenskaya klauzula, oxiridan uchinchisiga tushsa, daktilicheskaya klauzula, oxiridan toʻrtinchisiga tushsa, giperdaktilicheskaya klauzula deb yuritiladi. Klauzulaning bir xil xarakteri rus sheʼriyatida qofiya qoʻllashda muhim rol oʻynaydi. Shuning uchun ham sheʼrning evfonik (q. Evfoniya) tabiati, ritmik izchilligi klauzulaning xarakteri bilan chambarchas bogʻliqdir.