jilov

жилов

7 ta lugʻatda uchraydi JSON Shevalarda Barcha qidiruv natijalari

Izohli lugʻat

jilov

ot 1. Yuganning charm tizgini.

Jilovini boʻshatmoq.

Katta tosh yoʻlda yelib kelayotgan otliq tiss deb, otning jilovini tortdi. — M. Muhamedov, Qaxramon izidan

Noib otdan tushib, jilovni egar qoshiga tashladi. — S. Siyoyev, Avaz

2. koʻchma Boshqarish, idora qilish tizgini; hokimiyat.

U paytlar xon yosh edi, saltanat jilovi endi qoʻliga oʻtgan edi. — S. Siyoyev, Yorugʻlik

3. Izm, erk, ixtiyor.

— Oʻzimiz inglizdan zoʻrgʻa qutuldik, lekin u hamon jilovimizni bergisi kelmaydi, — dedi Ismoilxon. — Oybek, Nur qidirib

Imtihon yaqinlashayotganini unutma, jiloving mening qoʻlimda [dedi oʻqituvchi Odiljonga]. — Mushtum

Podsho jilovida yuradi shotir, Yovga ot qoʻyar doim pirday boʻp botir. — Yusuf va Ahmad

Jilov urmoq Tiymoq, tartibga solib qoʻymoq, boʻysundirmoq. Daryoga jilov urdi Oʻktam insonlar Ulugʻ bir toʻgʻon qurdi. Mirtemir.
Jilovini boʻsh qoʻymoq Oʻz holiga, ixtiyoriga qoʻyib yubormoq. Jilovini boʻsh qoʻyganingizdan keyin shunday boʻladi, rais. — Sh. Rashidov, Boʻrondan kuchli
Jilovini tortib qoʻymoq Tartibga chaqirib qoʻymoq; tanbeh bermoq. Davlat mashinasidan tekin pul topish, boylik orttirish uchun foydalanayotgan bu shaxslarning jilovini tortib qoʻyadigan tashkilot yoʻqmikan? — Gazetadan
Jilovini qoʻlga olmoq Boshqarishni, idora qilishni oʻz qoʻliga olmoq.
Jilovini qoʻldan berib qoʻymoq Boshqarishni, idora qilishni qoʻldan chiqarmoq.

Oʻzbekcha-turkcha izohli lugʻat

JILOV

Yuganning charm tizgini.GEM

Ruscha-oʻzbekcha va oʻzbekcha-ruscha lugʻat

jilov

погов. повод, поводья

jilovsiz xayol – daydi shamol необузданные думы – разгульный ветер

jilovini boʻsh qoʻymoq отпустить поводья; дать волю (кому-л.)
jilovini qoʻlga olmoq взять бразды правления в свои руки
jilovini (qoʻldan) berib qoʻymoq идти на поводу (у кого-л.); бросить поводья