Изохронизм

izoxronizm, teng vaqtlilik. Sheʼriy asar talaffuzi paytida ritmik boʻlaklarning vaqt jihatidan oʻzaro bir-biriga teng boʻlishi. Antik poeziyada, Sharq kvantativ sheʼr tuzilishida hamma kuy bilan ijro etiladigan xalq sheʼriyatida izoxronizm koʻp uchraydi. Erkin Vohidovning «Yoshlik devoni»dan keltirilgan quyidagi baytning har ikki misralaridagi ruknlaridan dastlabki uchtasi bir xil vaqt oraligʻida, qolgan ikki qisqa rukn esa oʻziga xos bir vaqt oraligʻida talaffuz etiladi: Barcha shodlik /senga boʻlsin/ bor sitam, zor/lik menga, Barcha dildor/lik senga-yu, /barcha xushtor/lik menga.