ишламоқ
ishlamoqишламоқ
фл. 1. Иш билан машғул бўлмоқ; меҳнат қилмоқ.
Далада ишлаяпти. Боғда ишлаяпти.
Шунақа, эшон, деҳқон қишин-ёзин ишлайди-ю, кузга бориб илиги қурийди. — М. Исмоилий, Фарғона тонг отгунча.
Миянгизни толиқтирадиган даражада қаттиқ ишламанг. — С. Сиёев, Ёруғлик
Меъмор учун бу ерда ишлаётганлар ичида Зулфиқор-у Заврак, Ғаввос Муҳаммаддан яқинроқ одам ёʻқ эди. — Мирмуҳсин, Меъмор
2. Бирор лавозимда фаолият кўрсатмоқ, хизмат қилмоқ.
Директор бўлиб ишламоқ. Университетда ишламоқ.
Ҳозир Питнакдаги боғчада тарбиячи бўлиб ишлаётир. — С. Сиёев, Ёруғлик
Ҳаётда хотин-қизларнинг энг биринчи фазилати, майли, у қандай лавозимда ишламасин, уй тутишни билиши, оналик бурчини ўтай олишидадир. — Газетадан
3. Ишлов бермоқ.
Терини ишламоқ.
4. Ижод этмоқ; яратмоқ.
Расм ишламоқ. Филм яхши ишланибди. Ҳайкал ишламоқ.
Бош соврин тавсия этилди — турнир ғолиби тошкентлик усталар ишлаган катта чинни вазани олади. — Газетадан
5. Ҳаракатда бўлмоқ, юрмоқ, юриб турмоқ; амал қилмоқ.
Тегирмон ишлаяпти. Станок ишлаяпти.
У, дала шийпонига етиб келганда, телефон ишлаётгани тўғрисида хабар қилди. — Ш. Рашидов, Бўрондан кучли
6. Хизмат қилмоқ, фаолият кўрсатмоқ.
Музейлар ҳар куни ишлайди. Душанба кунлари касса ишламайди.
Институтда мароқли учрашувлар клуби ишлаб турипти. — Газетадан
Ҳозир шаҳарда кўплаб кулолчилик ва наққошлик устахоналари ишлаб турипти. — Газетадан
7. физиол. Ўз вазифасини нормал бажармоқ.
Чап қўлим ишламайди.
-Бектемирдан кўнглим тўқ, — деди Али тажанг, —
калласи ишлайди. — Ойбек, Қуёш қораймас
8. с.т. Меҳнат қилиб топмоқ.
Пул ишламоқ. Бугун юз сўм ишладим.
Ўтган йил бир юз ўн саккиз меҳнат куни ишладим. — А. Қаҳҳор, Қўшчинор чироқлари
- Ишлаб чиқариш Муайян ижтимоий муносабатлар шароитида киши меҳнати туфайли жамиятнинг яшаши ва тараққий этиши учун зарур бўлган моддий бойликлар яратиш. Рационализаторлар томонидан яратилган янгиликлар ишлаб чиқаришда кенг қўлланмоқда. — Газетадан
- Ишлаб чиқармоқ Маҳсулот тайёрламоқ. Стендларга талабалар ўйлаб топган, ясаган, ижод қилган ва ишлаб чиқарган турли буюмлар тартиби билан қўйилган. — ГазетаданХива шаҳар бадиий совға буюмлар фабрикаси ишлаб чиқараётган маҳсулотларни халқ амалий санъатининг нодир намуналари деса бўлади. — Газетадан
- Ишлаб чиқмоқ Тайёрламоқ, яратмоқ. Пахта териш машинасининг янги моделини ишлаб чиқдик.Кейинги ярим йил давомида қўйилган вазифаларни ҳаётга татбиқ этиш билан боғлиқ чора-тадбирлар ишлаб чиқилди. — Газетадан
- Ўз устида ишламоқ Ўз савияси, малакасини ошириш ёʻлида меҳнат қилмоқ, ишламоқ. Каллали бола экан, мана, ўз устида ишлаб, кўтарилиб кетди. — Қайта ишлаш Қайта, бир неча марта ишловдан ўтказишБир грамм соф радий олиш учун бир неча тонна уран рудасини қайта ишлашга тўғри келади. — Фан ва турмуш.
ИШЛАМОҚ
Иш билан машғул бўлмоқ.ÇALIŞMAK
ишламоқ
работать, проработать, разработать, делать
ишламоқ иштаҳа очар работа возбуждает аппетит
астойдил ишлайдиган добросовестный
кўп ишламоқ много работать
қайтадан ишламоқ переработать, переделать
ИШЛАМОҚ
1. islew, miynet etiw
2. xızmet islew
3. dóretiw, jaratıw
4. orınlaw
ишламоқ
1. arbeiten vi, tätig sein, berufstätig sein
2. (корхона) geöffnet sein
3. (техника) funktionieren vt, gehen vi, s, laufen vi, s
Лифт ишламайди. Der Fahrstuhl ist ausser Betrieb
ишламоқ
Бсиз ҚК+устида работать над ТП
Ёзувчи бу китоб устида (нима устида?) бир неча йил ишлаган.
Писатель несколько лет работал над этой книгой (над чем?).
Ишламоқ
русчаработатьинглизчаto work, to toilфрансузчаtravailler, bosserарабчаعَمِلَ (يَعْمَلُ), خَدَمَ (يَخْدُمُ), إِشْتَغَلَ