ИНГИБИТОРЫ ГАЗОВЫХ ГИДРАТОВ

газ оқимида гидратлар ҳосил бўлишининг термобарик шароитини, гидратлар ҳосил бўлишининг тезлигини, гидрат массасининг консистенсиясини ўзгартирадиган (оқувчанлигини кучайтирувчи) ва гидратларнинг қувур деворларига адгезияси (ёпишиши)ни ўзгартирадиган ингибиторлар. Таркибига кўра, улар оддий ёки мураккаб (аралашма), таъсир этилишга кўра — содда ёки мажмуий бўлади ва шунингдек, гидратланиш, занглаш, парафинланиш ва sh.k.larning олдини олишга мўлжалланган. Шунингдек, кўп газ гидратларининг ингибиторлари (масалан, гликоллар) бир вақтда газни қуритувчилар ҳисобланади. Ингибиторлар ҳолида электролитларнинг сувли эритмаси, гликол асосли реагентлар ва метанол ҳамда унинг асосидаги баъзи моддалар қўлланилади. Асосан, метил спирти (метанол); этиленгликол (ЭТ), диетиленгликол (ДЕГ), триетиленгликол (ТЕГ), калсий хлор, этилкарбитол (ЭК) ва ш.к. эритмалар ишлатилади. Умуман ингибиторлар сув буғларининг парсиал босимини пасайтиради. Ингибиторлар газ оқимининг босими ва температурасини ўзгартирмай қўшилади. Ингибиторларни гидратларнинг ҳосил бўлишининг олдини олиш мақсадида кон саноатида газ оқимига сепараторларда, иссиқлик алмаштиргичларда ва бошқа дегидратор аппаратларида ҳамда қудуқларда қўшиш кенг қўлланилади. Бу ҳолда регенерация қилиш имконияти ва нисбатан кам ёʻқотилиши ҳисобига кўп ҳолларда иқтисодий жиҳатдан диетиленгликол устуворлик қилади., Газ гидратларининг ингибиторлари