ИНГИБИТОРЫ ГАЗОВЫХ ГИДРАТОВ

gaz oqimida gidratlar hosil boʻlishining termobarik sharoitini, gidratlar hosil boʻlishining tezligini, gidrat massasining konsistensiyasini oʻzgartiradigan (oquvchanligini kuchaytiruvchi) va gidratlarning quvur devorlariga adgeziyasi (yopishishi)ni oʻzgartiradigan ingibitorlar. Tarkibiga koʻra, ular oddiy yoki murakkab (aralashma), taʼsir etilishga koʻra — sodda yoki majmuiy boʻladi va shuningdek, gidratlanish, zanglash, parafinlanish va sh.k.larning oldini olishga moʻljallangan. Shuningdek, koʻp gaz gidratlarining ingibitorlari (masalan, glikollar) bir vaqtda gazni qurituvchilar hisoblanadi. Ingibitorlar holida elektrolitlarning suvli eritmasi, glikol asosli reagentlar va metanol hamda uning asosidagi baʼzi moddalar qoʻllaniladi. Asosan, metil spirti (metanol); etilenglikol (ET), dietilenglikol (DEG), trietilenglikol (TEG), kalsiy xlor, etilkarbitol (EK) va sh.k. eritmalar ishlatiladi. Umuman ingibitorlar suv bugʻlarining parsial bosimini pasaytiradi. Ingibitorlar gaz oqimining bosimi va temperaturasini oʻzgartirmay qoʻshiladi. Ingibitorlarni gidratlarning hosil boʻlishining oldini olish maqsadida kon sanoatida gaz oqimiga separatorlarda, issiqlik almashtirgichlarda va boshqa degidrator apparatlarida hamda quduqlarda qoʻshish keng qoʻllaniladi. Bu holda regeneratsiya qilish imkoniyati va nisbatan kam yoʻqotilishi hisobiga koʻp hollarda iqtisodiy jihatdan dietilenglikol ustuvorlik qiladi., Gaz gidratlarining ingibitorlari