hayqiriq

ot 1. Shodlik, hayajon, gʻazab, azob kabi kuchli tuygʻularni, shuningdek, chaqiriq, haydash kabilarni ifodalaydigan qattiq ovoz, nido.

Ura hayqiriqlari yer-u koʻkni titratdi.

— Yolgʻon! — Gʻulomjon dahshatli bir hayqiriq bilan qichqirdi. — M. Ismoiliy, Fargʻona tong otguncha

Bu dardli hayqiriq Nigoraning qulogʻiga yetib, yuragini oʻynatib yubordi. — S. Anorboyev, Oq-soy

Qudrat ajablanganicha eshik tomon yurgan edi, koʻcha tomondan podachining: — Hay-do-o! degan choʻziq hayqirigʻi eshitildi. — H. Nazir, Soʻnmas chaqmoqlar

Qoʻylar choʻponlarning hayqirigʻi bilan quduq tomon yurdi. — A. Hakimov, Ilon izidan

2. koʻchma Jonsiz narsalarning shiddatli harakatidan paydo boʻladigan qattiq ovoz haqida.

Daryoning hayqirigʻi. Parovozning hayqirigʻi. Hayqiriq solmoq.

Hamla qilgan qoʻshin singari Kumush yolli toʻlqinlar yelar. Boʻronlarning hayqirigʻidan Naximovning ovozi kelar. — Uygʻun.

Bahorda u [soy] hamma yoqqa hayqiriq solib oqadi. — Y. Sham sharov, Dovrugʻ

1. Shodlik, hayajon, gʻazab, azob kabi kuchli tuygʻularni ifodalaydigan qattiq ovoz, nido.HAYKIRMA

2. Jonsiz narsalarning shiddatli harakatidan paydo boʻlgan qattiq ovozi haqida.

крик, вопль

n shout, yell

qıyqıw, baqırıs

↑ Gekreisch n, Geschrei n, Gekreisch n, Geschrei n, Aufschrei m, Ausruf m