gʻubor

ot 1. Chang, toʻzon kabilardan havoda saqlangan yoki narsa sathiga ingan mayda zarralar; gard.

Doʻl shunday shiddat bilan yogʻardiki, goʻyo yerdan chang koʻtarilib, havoni gʻubor bosdi, kunduz qorongʻilashdi. — N. Safarov, Olovli izlar

Paxta bitgan yerlaringni koʻrmoqchiman, Gʻuborini kiprigimga surmoqchiman — S. Akbariy

Shoyon mehnatingning nishonasi bu — Qora qoshlaringga qoʻngan chang, gʻubor. — A. Oripov, Yillar armoni

Saratonda muallaq qotgan gʻubori shabnam bilan yana oʻz onasi — tuproq ogʻushiga ohista choʻkdi. — Saodat

2. Umuman, tiniqlik, ravshanlikni buzuvchi, xira qiluvchi (xiralashtiruvchi) zarralar.

Osmonda gʻubor yoʻq, tiniqdan-tiniq, Quyosh charaqlaydi nurini sochib. — Gʻ. Gʻulom

Qishloqdan chiqqanimizda, gʻubor ichida koʻringan togʻlar ham ancha yaqin kelib qoldi. M. M. — Doʻst, Lolazor

Bugun kun boʻladi ravshan va bedogʻ, Gʻubor yoʻqdir zarra havoda. — H. Olimjon

3. koʻchma Umuman, ravshanlik, tozalik, poklikni buzuvchi narsa (masalan, dogʻ va boshqalar).

Tashqarida olamni jamiki gʻuborlardan poklamoqchidek, urib jala quyar edi. — M. Mansurov, Yombi

Zaynab Kumushning toʻlib yetmagan gavdasiga va oʻn olti yoshlar chamali gʻubor tegmagan husniga hayron boʻlib, mulohazasini aytishdan qoʻrqdi. — A. Qodiriy, Oʻtgan kunlar

Dil ham bamisoli shunday: sevgi sharobiga qatra gʻubor aralashdimi — tamom. — M. Joʻra, Iztirob

4. koʻchma Kishi ruhini (ruhiyatini) buzuvchi holat, dogʻ, xiralik.

Har qalay, kunduzlari chidasa boʻladi: bir-yarim yaxshi-yomonni koʻradi, undan-bundan ikki ogʻiz soʻzlashib, picha tafti chiqadi, gʻubori ariydi — X. Sultonov, Onamning yurti

Suhbatda odam yoziladi, dam oladi, gʻubordan chiqadi derdi Yusufjon aka. — T. Obidov, Yusufjon qiziq

Bir marta toʻyib hidlasang, ichingdagi jami gʻuborni haydab chiqaradi. — S. Ahmad, Ufq

5. maxs. Changsimon dogʻ; kul (oʻsimliklar kasalligi).

novdalarda ham, xuddi barglardagi singari, kulrang gʻubor paydo boʻladi. — Gazetadan

1. Chang, gard, toʻzon.TOZ

2. Biror koʻngilsiz hodisaning qoldiq taʼsiri, asorat.HÜZÜN

1. прах

2. грусть, тоска

n dust, spray

1. shań, girbiń, girt, shań-tozań

2. awıs. tazalıqtı, páklikti buzıwshı zat, daq

Staub m