ГРУНТОВАЯ ГЕОГИДРОДИНАМИЧЕСКАЯ СИСТЕМА

эркин юза (сатҳ)га эга бўлган грунт суви ва унга яқин бўлган турдаги ер ости сувлари системаси. Ер юзасидан биринчи бўлиб жойлашган сув ўтказмайдиган қатлам устидаги сувли горизонтда учрайди. Қуйидаги белгилари билан геогидродинамик система сувларидан фарқланади: 1) Сувлар асосан босимсиз бўлиб, эркин юзага эга, атмосфера ва ер устки сувлари билан боғлиқ (грунт сувлари юзаси босими атмосфера босимига тенг). 2) Грунт сувларининг таъминланиш области, асосан, тарқалиш областига мос келади. Таъминланиш атмосфера сувлари, ер устки сувлари ва конденсацион сувлар ҳисобига амалга ошади. 3) Грунт сувларининг режими ўзига хос. Режим, яъни сувларнинг захираси, сатҳи, кимёвий ва бактериал таркиби, физик хоссаларининг вақт давомида ўзгариши шу раённинг иқлимий шароитларига, аерация зонасида содир бўладиган физик-кимёвий ва биокимёвий жараёнларга ва инсоннинг амалий фаолиятига (сув омбори, канал, карер қуриш; ҳудуд заҳини қочириш ва ш.к.) боғлиқ. 4) Грунт сувларидан халқ хўжалигида фойдаланиш қулай. Шу билан бир қаторда, уларни саноат, ботқоқ, канализация ва б. сувлар билан ифлосланиши осонроқ. Грунт сувлари сайёрамизнинг ҳамма жойида тарқалган бўлиб, асосан, тўртламчи давр ётқизиқларида учрайди. Дарё водийларининг аллювиал, делювиал, элювиал, пролювиал, флювиогляциал ва б. ҳосилалари билан боғлиқ., Грунт геогидродинамик системаси