ГИДРОГЕОХИМИЧЕСКИЕ ИССЛЕДОВАНИЯ ВОД

литосферадаги сувли эритмаларнинг моддий таркибини ўрганиш усуллари мажмуаси бўлиб, нефтгазли ҳавзаларнинг тадрижий ривожланиш тарихи тадқиқотларини ўз ичига олади. Сувларнинг моддий таркиби ингредиентлари (мураккаб бирикма ёки эритманинг таркибий қисми) ва турли кўрсаткичлари орасида қуйидагиларни ажратиш мумкин: — ион-тузли таркиб компонентлари (натрий, калий, калсий, хлор ва б.) ва микрокомпонентлари (ёд, бром, бор); — сувда эриган газлар (метан ва унинг гомологи, азот, кўмир кислота ва б.); — микроелементлар (ванадий, никел, мис, қўрғошин, рух ва б.); — сувда эриган органик компонентлар (феноллар, бензол, органик кислоталар ва б.); — гидрокимёвий муҳит кўрсаткичлари (рн, Еҳ ва б.). Ҳозирги даврда литосферадаги сувли эритмаларнинг моддий таркибини ўрганишнинг гидрокимёвий тадқиқотлари методикаси жинс — сув — углеводород уюми табиий системасига асосланган. Сувли эритмалар моддий таркиби ингредиентларини гидрокимёвий таҳлил қилиш усулларининг кўпдан кўп кўринишлари мавжуд бўлиб, уларнинг уч туридан: сув намунасини олиш, компонентлар миқдорини лабораторияда аниқлаш ва олинган натижаларни изоҳлашда фойдаланилади., Сувларнинг гидрогеокимёвий тадқиқотлари