ИНТЕРПРЕТАЦИЯ ГИДРОГЕОХИМИЧЕСКИХ ДАННЫХ

микроэлементлар ва эриган органик моддаларнинг кўп тўпланган майдонларини ажратиш, олинган маълумотларни бошқа усуллар (гидродинамик, палеогидрогеологик, литологик-фациал, геокимёвий ва бошқа) натижалари билан солиштириш ва баҳолаш. Бундай майдонлар таркибида регионал фон, маҳаллий фон ва аномалиялар ажратилади. Регионал гидрогеокимёвий фон нефть-газли ҳудуд чегарасида бирон-бир микрокомпонентнинг жуда кўп миқдорда тарқалганлигини билдиради. Маҳаллий гидрогеокимёвий фон ҳудуднинг ёки геологик кесимнинг маълум бир участкасини ифодалайди, регионал фондан микрокомпонентлар концентрациясининг ўртача қийматининг юқорилиги (пастлиги) билан ажралиб туради. Маҳаллий гидрогеокимёвий фон кесимнинг литофациал ва геотермал минтақаларини, айрим тектоник структураларни, геогидродинамик системаларни ҳосил қилиши мумкин. Шу сабабли, маҳаллий фон чегарасида гидрогеокимёвий аномалияларни ажратиш мумкин бўлади. Гидрогеокимёвий аномалиялар жуда кичик, тор участкада ривожланган турли шароитларни ўзида акс этиши мумкин. Уларга нефть, газ, конденсат, тош тузи уюмларини, геотермик аномалиялар кузатиладиган тектоник ёриқлар участкаларини, ўта юқори гидростатик қатлам босимига эга (баъзан гидростатик босимдан кам) бўлган участкаларини киритиш мумкин. Гидрогеокимёвий аномалия моҳияти тўғрисида мулоҳаза юритиш учун изоҳлаш усуллари мажмуасидан фойдаланилади. Таққослаш таҳлили, вариацион статистика, дифференциал тенгламалар усуллари ва бошқа самарали усуллар мавжуд. Математик-статистика усулидан фойдаланишда гидрогеокимёвий материаллардан ташқари, геологик-геокимёвий параметрлар ҳам таҳлил қилинади. Ҳозирги даврда Г.м.и. ёрдамида нефть ва газ тўпланадиган йирик участка ва зоналар ҳамда якка нефть-газли структуралар мавжудлигини башоратлаш мумкин. Шунингдек, нефть-газли қатламлар кесимида флюидлар (нефть, газ, конденсат) мавжуд бўлган оралиқларни ва нефть-газ тўпланиш миқдорини баҳоласа бўлади. Гидрогеокимёвий маълумотларнинг талқини