ГИДРОГЕОХИМИЧЕСКИЕ ИССЛЕДОВАНИЯ ВОД

litosferadagi suvli eritmalarning moddiy tarkibini oʻrganish usullari majmuasi boʻlib, neftgazli havzalarning tadrijiy rivojlanish tarixi tadqiqotlarini oʻz ichiga oladi. Suvlarning moddiy tarkibi ingrediyentlari (murakkab birikma yoki eritmaning tarkibiy qismi) va turli koʻrsatkichlari orasida quyidagilarni ajratish mumkin: — ion-tuzli tarkib komponentlari (natriy, kaliy, kalsiy, xlor va b.) va mikrokomponentlari (yod, brom, bor); — suvda erigan gazlar (metan va uning gomologi, azot, koʻmir kislota va b.); — mikroelementlar (vanadiy, nikel, mis, qoʻrgʻoshin, rux va b.); — suvda erigan organik komponentlar (fenollar, benzol, organik kislotalar va b.); — gidrokimyoviy muhit koʻrsatkichlari (rN, Yeh va b.). Hozirgi davrda litosferadagi suvli eritmalarning moddiy tarkibini oʻrganishning gidrokimyoviy tadqiqotlari metodikasi jins — suv — uglevodorod uyumi tabiiy sistemasiga asoslangan. Suvli eritmalar moddiy tarkibi ingrediyentlarini gidrokimyoviy tahlil qilish usullarining koʻpdan koʻp koʻrinishlari mavjud boʻlib, ularning uch turidan: suv namunasini olish, komponentlar miqdorini laboratoriyada aniqlash va olingan natijalarni izohlashda foydalaniladi., Suvlarning gidrogeokimyoviy tadqiqotlari