fakt

ot 1. Oʻylab topilmagan, uydirma boʻlmagan, real, mavjud narsa; haqiqiy voqea, hodisa.

Suhbatlarni jonli, qiziqarli, turmushdagi faktlarga suyanib oʻtkazish kerak. R. Fayziy. — Choʻlga bahor keldi.

Har qanday dadil fantaziyaning zamirida ham hayotiy tajriba, real faktlar, manzaralar yotadi. — U. Normatov, Talant tarbiyasi

2. Bor narsa, voqea yoki hodisa haqida maʼlumot, dalil.

— Hamma boʻlgan faktlarni yoza ber. — P. Tursun, Oʻqituvchi

Endi u dangal faktlarni roʻpara qilishga ishga qaror berdi. — P. Tursun, Oʻqituvchi.

3. Biror narsa haqida xulosa chiqarish, qatʼiy bir fikrga kelish uchun xizmat qiladigan narsa, asos (masalan, hujjat, dalil, misol). Jinoyat yuzasidan yigʻilgan faktlar yetarli edi.

Yuridik ahamiyatga ega boʻlgan faktlarni aniqlash toʻgʻrisidagi sud ishlarini koʻrib chiqish praktikasi muhokama etildi. — Gazetadan

Shundan soʻng rais Nizomiddinovga tanbeh qildi: Konkret faktlarga oʻting. — A. Qahhor, Tanlangan asarlar

n fact, case

Tatsache f, Fakt m

фактfact