эпизод

м 1. epizod, voqea, hodisa

2. лит. epizod, koʻrinish (adabiy asarning maʼlum darajada mustaqil boʻlgan qismi).

1. Qadimgi grek dramasidagi xorlar orasida namoyish etiladigan qisqa voqealar.

2. Nisbiy mustaqillikka ega boʻlgan asar voqeasi, badiiy asarning boʻlinmaydigan eng kichik qismi. Badiiy asardagi epizodlar ijodkor gʻoyasini roʻyobga chiqarishda oʻzaro mantiqiy izchillikda, bir-biri bilan bogʻlanib, asar syujetini tashkil etadi. Epizod oʻz xarakteriga koʻra ikki xil boʻladi: 1) asar syujetining uzviy halqasi, asosiy tarkibiy qismi. Masalan, Oybekning «Qutlugʻ qon» romanidagi 1916 yil milliy ozodlik qoʻzgʻolonida Yoʻlchining halok boʻlishi tasviri. Bu epizod, birinchidan, asar voqeasini yakunlasa, ikkinchidan, u asosiy obrazning tadrijiy takomilini ham ifodalaydi; 2) koʻmakchi epizod. Bunday epizod koʻpincha, badiiy asardagi yordamchi syujet chizigʻida uchraydi va xarakterning ayrim qirralarini yoritishga xizmat qiladi. Masalan, A. Qahhorning «Sinchalak» povestidagi Saidaning oʻtmishini aks ettiruvchi epizodlar.