Эклога

Dastlab bu termin har qanday sheʼriy toʻplamga nisbatan qoʻllanilgan boʻlsa, keyinchalik bukolik (q. Bukolika) poeziyasining janrlaridan birining nomini anglatadigan boʻldi. Eklogada qishloq hayoti tasvirlansa-da, biroq u qishloq kishilariga xos his-hayajon va kechinmalarni aks ettiruvchi idilliya (q.) lardan farqlanib turadi. Eklogalar shaklan dramatik, epik sheʼr yoki aralash holda boʻlishi mumkin. Qadimgi eklogalar faqat gekzametrda, keyingilari esa xilma-xil vaznlarda yozilgan. Rus adabiyotida ekloganing namunasini birinchi marta A. P. Sumarokov yaratgan. Janr sifatida ekloga XIX asrdayoq soʻndi. Hozir yaqin va qadrdon kishilar bilan birgalikda xilvat tabiat quchogʻida sokin hayot kechirishni madh etuvchi sheʼrlar koʻchma maʼnoda ekloga termini bilan yuritiladi., ekloga