диққат
diqqatдиққат
от 1. Фикр, фикр-у зикр, фикр-ёд.
Ўзини унутиб, барча диққати ҳужра ичига оққан эди. — А. Қодирий, Ўтган кунлар
Сидиқжон болага қараб, у-бу деб турган бўлса ҳам, кўзи ва бутун диққати Шарофатда эди. — А. Қаҳҳор, Қўшчинор чироқлари
2. Назар-эътибор, илтифот; синчковлик.
Диний ва миллий руҳнинг тарбиясига алоҳида эътибор ва диққат лозим. Ойбек, — Нур қидириб
[Кумуш] Сочлари орасидаги чигилларни диққат билан тараб, жом ёнига ўтирди. — А. Қодирий, Ўтган кунлар
Тўлқинжон Ҳурининг сўзларини зўр диққат билан тинглади. — Ф. Мусажонов, Ҳури
Ёʻлчи ўроққа диққат билан тикилиб қаради ва энкайиб ўра бошлади. — Ойбек, Танланган асарлар
3. сфт. Узлуксиз эътибор талаб этадиган, юракни сиқиб юборадиган, оғир, машаққатли.
Диққат иш.
4. Зериктирадиган, зерикарли, мароқсиз.
Диққат гап.
5. кесим взф. Бўғилган, юраги сиқилган; хафа.
Ўзи диққат, хуноб, лекин тез-тез хаёлга кетарди. Ойбек, — Нур қидириб
Аваз диққат. Хива томонга қарайвериб, кўзи тешилай деди. Отасидан мужда ёʻқ. — С. Сиёев, Аваз
- Диққатга сазовор (ёки лойиқ) ёки шоёни диққат Эътибор этишга арзийдиган, эътиборни ўзига тортадиган. Диққатга сазовор гап.Шаҳрингизнинг диққатга сазовор жойларини кейин кўрамиз. — ГулдастаХўжаев афандининг фикри-зикри шоёни диққат. — З. Саид, Н. Сафаров, Тарих тилга кирди
- Диққатни жалб қилмоқ (ёки тортмоқ) 1. Эътиборни, фикрни бир жойга тўпламоқ, йиғмоқ, эътиборни бирор нарсага қаратмоқ. Маърузачи тингловчиларнинг диққатини шу масалага тортди;Тебраниб ёнаётган шам зўр мўъжизадай ҳамманинг диққатини жалб қилган эди. — А. Қаҳҳор, Кўр кўзнинг очилишиДастлабки кунларда қишлоқ аҳолисининг диққатини жалб қилган янги домла бора-бора назардан тушиб қолди. — А. Қаҳҳор, Қўшчинор чироқлари
- Диққат бўлмоқ ёки диққати ошмоқ Бўғилмоқ, сиқилмоқ; зерикмоқ. Шу бугун кечқурун ҳалигидай диққат бўлиб ўтирганида, яна Латофатхон эсига тушиб, бир фикрга келди. — А. Қаҳҳор, АсарларУнинг [Раънонинг] диққати ошиб кетган, тиқ эца, эшикка қараб қўймоқда. — Ҳ. Назир, Сўнмас чақмоқлар
- Диққат қилмоқ 1. Эътибор бермоқ; илтифот қилмоқ. Ҳали диққат қилмаган эканман: юзлари сип-силлиқ, худди тошдан ясалганга ўхшайди. — Х. Тўхтабоев, Ширин қовунлар мамлакатиҲоким тўрани диққат қилма. — К. Яшин, Ҳамза