чоғламоқ

фл. 1. Ҳозирламоқ, тайёрламоқ, шай қилмоқ.

Соқи Мажнун кўк отни чоғлаб, эгарлаб олиб келди. — Нурали

Ўзимни ёʻлга чоғласам, Ҳар кимдан сўроқласам, Топарманми, болам, сени? — Ойсулув

2. Ҳисобламоқ, деб ўйламоқ.

Хуррамбек! Э-э, ўзини қарийб Иброҳимбек билан тенг чоғлайди. — Ш. Холмирзаев, Қаҳрамоннинг сўнгги кунлари

Ёʻл устида бундай жойда бўлибсан, Ўзингни ким чоғлаб, бобо, турибсан? — Интизор

3. Тахмин, мўлжал билан аниқламоқ, мўлжалламоқ, тахмин қилмоқ.

Қўйнинг гўштини қанча чоғладингиз?

Акбарнинг ғўлабурдай бўй-бастига кўз қирини ташлаб, бир уришда қулатиш мумкинлигини чоғлади. — Н. Қиличев, Чиғириқ

Агар ёшимни назарда тутаётган бўлсангиз, мени йигирма беш яшар чоғланг. — Н. Норқобилов, Бекатдаги оқ уйча

4. Мўлжалга олмоқ, кўзламоқ.

Хотин ҳарам дарвозасини чоғлаб борар эди. — А. Қодирий, Меҳробдан чаён

Ўрлайверди самолёт Олис-олисни чоғлаб. — Газетадан

5. Ўзини ёки кимсани хурсанд қилмоқ; вақтини, кайфини ёки димоғини чоғ қилмоқ.

Подшо димоғин чоғлади. — Гулнорпари