chirqillamoq

fl. 1. Chirq-chirq ovoz chiqarmoq.

Gʻor oldidan oʻtib ketayotsam, bir gala chumchuq chirqillab yotipti. — A. Koʻchimov, Halqa

Tik jarga in qurib, chirqillashib yotgan ming xil qushlarning uni oʻchib, oʻzi gurra koʻtarildi. — M. Mansurov, Yombi

2. Qattiq qichqirib, chinqirib yigʻlamoq (yosh bola haqida).

— Mana senga tepish! — Karim qoʻlidagi dumaloqlangan qorni kuchining boricha otdi. Saida yuzini changallaganicha chirqillab qoldi. — Yoshlik

3. koʻchma Zorlanib, iltijo qilib yoki kuyinib gapirmoq.

— Yaxshi koʻrasan deb, atay manti qilayotgan edim. Bir oz shoshma, yeb ket, — deb chirqillaganicha qoldi ona. — M. Alaviya, Sevinchlarim

Oradan ozgina vaqt oʻtgach Joʻravoyning oʻzi va unga hamdardlikda chirqillab, odamlarni yordamga chaqirayotgan bir xotin qoldi, xolos. — Yoshlik

4. koʻchma Moddiy muhtoj, och holatda boʻlmoq; qaram boʻlmoq.

Uyimda sakkizta bola chirqillab turipti, qanday boqaman ularni? — X. Toʻxtaboyev, Yillar va yoʻllar

1. чирикать, щебетать

2. громко плакать

v chirp, twitter

shırqıldaw, shırq-shırq etiw, jırqıldaw, jırq-jırq etiw

zwitschern vi, (chumchuq) tschilpen vi, schwatzen vi, (bolalar haqida) plabbern vi