бўлишмоқ

фл. Бўлмоқ И феълининг биргалик нисбати.

Дўстлар ўйланиб туриб, кейин бахтларини синамоқчи бўлишибди. — Эртаклар

Илгари “синглим“ деб турган йигитлар, сал ўтмай, опа дейдиган бўлишди. — А. Қаҳҳор, Мастон

фл. 1. Кўмаклашмоқ; ён босмоқ, тарафини олмоқ.

Бўлмаганга бўлишма. — Мақол

Ёмон ёвга бўлишар. — Мақол

Сизга Шукуржон айтган экан-ку унинг қанақа ишлар қилганини, нима қилардингиз унга бўлишиб. — О. Ёқубов, Ота изидан

Ўн тўрт кунда осмонда ой тўлишаркан, Меҳнаткашлар бир-бирига бўлишаркан. — Қўшиқлар

2. этн. шв. Битишмоқ, унашмоқ, келишмоқ.

Асрорқулнинг ўғли Ёдгорбой аскарликни битириб келганда, Ҳайдар отанинг жиянига бўлишамиз, деб туришган эди, мана бу уруш чиқди-ю, тўй кейинга қолди. — А. Қаҳҳор, Асрор бобо

фл. 1. Бўлмоқ ИИ феълининг биргалик нисбати.

Тенг бўлишмоқ.

Ўрмонжон Абдусаматқори билан тил бириктириб, икки юз йигир-ма беш саржин ўтин сотган ва пулини иккови бўлишиб олган. — А. Қаҳҳор, Қўшчинор чироқлари

Ифтордан сўнг чуғурлашиб, рамазон айтиб, йиғилган нарсаларимизни бўлишиб бўлгач, катталар олдига секин бўйларимизни кучимиз етгунча чўзишиб борардик. — Ёшлик

2. кўчма Ўртада баҳам кўрмоқ.

Топганини бўлишмоқ.

У [Фотима] мақтаниш учун эмас, балки ўз қувончини бирдан-бир яқин қариндошлари билан бўлишмоқчи, улардан яхши сўзлар эшитмоқчи эди. — П. Турсун, Ўқитувчи

1. Бўлишиб олмоқ, қисмларга ажратиб олмоқ.PAYLAŞMAK

2. Ён босмоқ, ёрдамлашмоқ, тарафини олмоқ.TARAF ETMEK

1. bolısıw, kómeklesiw, tárepin alıw

2. bólisiw

sich teilen