boʻlishmoq

fl. Boʻlmoq I feʼlining birgalik nisbati.

Doʻstlar oʻylanib turib, keyin baxtlarini sinamoqchi boʻlishibdi. — Ertaklar

Ilgari “singlim“ deb turgan yigitlar, sal oʻtmay, opa deydigan boʻlishdi. — A. Qahhor, Maston

fl. 1. Koʻmaklashmoq; yon bosmoq, tarafini olmoq.

Boʻlmaganga boʻlishma. — Maqol

Yomon yovga boʻlishar. — Maqol

Sizga Shukurjon aytgan ekan-ku uning qanaqa ishlar qilganini, nima qilardingiz unga boʻlishib. — O. Yoqubov, Ota izidan

Oʻn toʻrt kunda osmonda oy toʻlisharkan, Mehnatkashlar bir-biriga boʻlisharkan. — Qoʻshiqlar

2. etn. shv. Bitishmoq, unashmoq, kelishmoq.

Asrorqulning oʻgʻli Yodgorboy askarlikni bitirib kelganda, Haydar otaning jiyaniga boʻlishamiz, deb turishgan edi, mana bu urush chiqdi-yu, toʻy keyinga qoldi. — A. Qahhor, Asror bobo

fl. 1. Boʻlmoq II feʼlining birgalik nisbati.

Teng boʻlishmoq.

Oʻrmonjon Abdusamatqori bilan til biriktirib, ikki yuz yigir-ma besh sarjin oʻtin sotgan va pulini ikkovi boʻlishib olgan. — A. Qahhor, Qoʻshchinor chiroqlari

Iftordan soʻng chugʻurlashib, ramazon aytib, yigʻilgan narsalarimizni boʻlishib boʻlgach, kattalar oldiga sekin boʻylarimizni kuchimiz yetguncha choʻzishib borardik. — Yoshlik

2. koʻchma Oʻrtada baham koʻrmoq.

Topganini boʻlishmoq.

U [Fotima] maqtanish uchun emas, balki oʻz quvonchini birdan-bir yaqin qarindoshlari bilan boʻlishmoqchi, ulardan yaxshi soʻzlar eshitmoqchi edi. — P. Tursun, Oʻqituvchi

1. Boʻlishib olmoq, qismlarga ajratib olmoq.PAYLAŞMAK

2. Yon bosmoq, yordamlashmoq, tarafini olmoq.TARAF ETMEK

1. bolısıw, kómeklesiw, tárepin alıw

2. bólisiw

sich teilen