baqaloq

sft. 1. Hayvonlarning tuyoq bilan ilik oʻrtasidagi boʻgʻini.

Sayislarning otga solgan daviri Tushadi tarlonning baqalogʻiga. — Oysuluv

2. Shu boʻgʻin va unga yopishgan goʻshtdan iborat ovqat.

Soʻngra tugunini ochdi. Rosa ishtaha bilan qoʻyning baqalogʻini nonga qoʻshib yeya ketdi. — Gazetadan

sft. 1. Eni boʻyiga nomutanosib; semiz, doʻmboq.

Baqaloq yigit. Baqaloq qoʻllar.

Roʻparamda oppoq neylon koʻylakni toʻldirib, baqaloq bir kishi turardi. — N. Aminov, Qahqaha

Malikaxon semiz, baqaloq soniga shapatilab, ogʻzini koʻkka qaratib, zavq bilan kuldi. — N. Aminov, Qahqaha

Qip-qizil, semiz, baqaloq tanasini zoʻr berib yelpirdi. — N. Aminov, Qahqaha

2. koʻchma Yoʻgʻon, semiz.

Zum oʻtmay, baqaloq shishada fransuz konyagi bilan bir tarelka husayni uzum koʻtarib chiqdi. — S. Ahmad, Jimjitlik

Qayragʻochning qalin, baqaloq shoxlari tashlab turgan soya ham nafaslari boʻgʻilib turgan aʼyonlar joniga orom berol-may qoldi. — M. Ismoiliy, Fargʻona tong otguncha

Eni boʻyiga nomutanosib; yoʻgʻon, dumaloq, semiz.ŞİŞMAN, TOMBUL

полный, человек невысокого роста

n pastern, stout, stout person

a thickest, stumpy, stocky

semiz, tompaq

stämmig, untersetzt