баҳор

от 1. Йилдаги тўрт фаслнинг бири, қишдан кейинги, ёздан олдинги фасл; кўклам (йилнинг март, апрель, май ойларига тўғри келади).

Эрта баҳор. Баҳор қуёши. Баҳор шамоли. Дарё сувини баҳор тоширади, Одам қадрини меҳнат оширади. — Мақол

У [Гулнор] бу кун шод, баҳор унинг нашасига нашъа, гўзаллигига гўзаллик қўшган. — Ойбек, Танланган асарлар

Баҳор жой танламас экан. — Ў. Ҳошимов, Қалбингга қулоқ сол

2. кўчма Ҳар нарсанинг (умрнинг, ҳаётнинг) яшнаган, камолга етган пайти, шундай чоғлар рамзи.

Умр баҳори. Ҳаёт баҳори. Севги баҳори. Яхши хотин — ҳамиша баҳор. — Мақол

Шу ердадир мардлик, жасорат, Шу ердадир ҳаёт баҳори. Ё. Мирзо, Ўғил меҳри.

Ахир ёшимиз кетяпти, умр баҳоримиз ўтиб, кузимиз яқинлашиб келяпти, Ҳаётхон! — М. Исмоилий, Фарғона тонг отгунча.

Ғуломжоннинг кўнглида яйраган қувонч баҳори кўзларида жавлон урди. — М. Исмоилий, Фарғона тонг отгунча

3. кўчма Умрнинг маълум қисми, муддати, ёши.

Бизнинг Нарзимиз ўзининг йигирманчи баҳорини худди шу Молдавия ерида қарши олди. — Н. Сафаров, Оловли излар

Бахтли қизим, мен ўйлаб боқсам, Икки баҳор кўрибди ёшинг. — Ё. Мирзо, Ўғил меҳри

4. кўчма Қувонч, шодлик, бахт.

Ишқингда мен баҳорлар топдим, Баҳор ичра наҳорлар топдим. — Ҳ. Олимжон

Сизда бўлган умид, ишончлар, Кунлар келар, яратар баҳор. — Ғайратий

5. кўчма Севги, муҳаббат; умид.

Кимнингдир кўнглида баҳор гуллади. Кимдир кимгадир интизор бўлди. — Ў. Ҳошимов, Қалбингга қулоқ сол

6. кўчма Севгили, маъшуқа, гўзал ёр.

Гуллаган баҳорим, сени севаман. — У. Исмоилов, Сайланма

Сўлдимикан гул чечакли баҳорим, Ҳам қишимдан, ҳам ёзимдан айрилдим. — Нурали

Хазон этмоқчи бўлмиш, ажратиб фасли баҳоримдан. — Гулдаста

7. Баҳор (хотин-қизлар исми).

Тўрт фаслнинг биринчиси, қишдан кейинги, ёздан олдинги фасл; кўклам.İLKBAHAR

весенний весна, весенний

баҳорда весной

н spring, spring time

Frühling m, Frühjahr n, Lenz m

эрта баҳор Vorfrühling m

баҳор ҳавоси Frühlingswetter n

русчавеснаинглизчаspringфрансузчаprintempsарабчаرَبِيعٌ